Levitikọs 7:19 - Edo Bible (E Baibol Ẹdo) Version 1996

¹⁹ A deghẹ emiowo nii dekan emwi awua, a ghẹ ghi rri ọe, sokpan a ghi giẹn ọnrẹn uan. Ọmwaikọmwa ne awua i gue sẹtin rri ọe.

Levitikọs 7:19 ပူးပေါင်းရင်းမြစ်များ

Levitikọs 6:27

Ọmwaikọmwa ra emwikemwi ne ọ ya egbe kan emiowo aranmwẹ nii, uhuanmwẹ aranmwẹ nii ghi ya ẹe khian ọmwa ne emwi gue. Esagiẹn ọnrẹn gha sanmwẹ ye ukpọn, a ghi ye amẹ ne ọ huansẹ họ ẹre.

Levitikọs 7:18

A deghẹ a ye re vbọ vbe ikpẹdẹ ne ogieha, Osanobua i rhan obọ miẹn izọhẹ ọmwa nii. A i ra ka emwi izọhẹ ba emwi esi ne ọ ru sokpan a ghi ka ẹe ba nọ ma huan, ọmwaikọmwa ne ọ rri ọe, rẹn ọ ra vbe rrioya yọ.

Levitikọs 7:20

Sokpan ọmwa ne awua gue gha rri ọe, a ghẹ ka ẹe ba emwa Osanobua.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

Iwinna 10:28

Ọ keghi tama iran wẹ, “Wa tobọ uwa rẹnrẹn ẹsẹse wẹ, zẹ vbe ne ẹmwẹ ugamwẹ khare, a i gie Ju ya gha tuẹ, ra ne ọ ya gha gu avbe emwa ne ẹ i re Ju mu obọ. sokpan Osanobua rhie ma mwẹ nẹ wẹ ne I ghẹ tie ọmwaikọmwa emwi awua ra ne ọ ma huan.

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.