Levitikọs 7:18 - Edo Bible (E Baibol Ẹdo) Version 1996

¹⁸ A deghẹ a ye re vbọ vbe ikpẹdẹ ne ogieha, Osanobua i rhan obọ miẹn izọhẹ ọmwa nii. A i ra ka emwi izọhẹ ba emwi esi ne ọ ru sokpan a ghi ka ẹe ba nọ ma huan, ọmwaikọmwa ne ọ rri ọe, rẹn ọ ra vbe rrioya yọ.

Levitikọs 7:18 ပူးပေါင်းရင်းမြစ်များ

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Aizaia 65:4

Ẹdẹ gha mu nẹ, iran ghi gha lele avbe uvun okuta kevbe idin khian, ya gha gualotọ emwi vbe obọ orhiọn emwa ni wulo nẹ. Iran rri emiowo esiebo, iran ghi vbe rri uwọnmwẹ emiowo ne iran ni ga ẹbọ ya zọ ese.

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Ezikiẹl 18:20

Ọmwa ne ọ ru orukhọ ọ re ọ gha wu. Ọmọ i rrioya ye orukhọ erha ẹe, ra ne erha rri oya ye orukhọ ne ọmọ ru. A gha san ọmwa esi ẹse ye emwi esi ne ọ ru, ọmwa dan gha vbe rrioya ye emwi dan ne ọ ru.

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 10:19

Errọn keghi wanniẹn wẹẹ, “Wẹ rẹnrẹn wẹ emwi ne ọ gbe orrirri na ye sunu vbe egbe mwẹ, egbe ne emwa ni rre ya viọ izẹọhẹ orukhọ rre deba ese ne agiẹn uan ọghe iran gie Nọyaẹnmwa ẹrẹna. Akpawẹ te imẹ rri emiowo ọghe izẹọhẹ orukhọ nii ẹrẹna, ẹko gha rhiẹnrhiẹn e Nọyaẹnmwa ra?”

Levitikọs 11:41

“Wa ghẹ re vbe aranmwẹ ne giẹrẹ ni rẹnrẹn vbe otọe nii.

Levitikọs 17:16

A deghẹ ọ ma ru vberriọ, a ghi rri ọre oya.

Levitikọs 19:5

“Wa gha gbe aranmwẹ ya sisara, wa ghi gha lele emwamwa ne I rhie ye otọ ne uwa, mẹ gha rhan obọ miẹn ese ne uwa zọ re.

Levitikọs 20:17

A deghẹ okpia rhie ovbiye ẹe ne okhuo ra ovbi erha ẹe ne okhuo rọnmwẹ, a ghi fa iran an ne agbọn vbe ẹrinmwi miẹn, a ghi khulo iran hin ẹbu emwa rre. Ọ gu ọtiọnrẹn nokhuo ru emwi, te ọ kere ne ọ rri oya ne ọ khẹ ke ẹe.

Levitikọs 20:19

“A deghẹ okpia gu ovbiye erha ẹe ru emwi, iran eveva ghi gba rri oya ye uyimwẹ ovbukhọ iran.

Levitikọs 22:16

Vbe ne iran gha na gie emwa ni ma khẹ ke re vbọ, emwi vberriọ gha ya ọmwa nii rri abe, a ghi vbe rri ọre oya. Mẹ ọ re Nọyaẹnmwa, mẹ ọ re ọ vbe ya emwi izẹ ọhẹ nii khian nihuanrẹn.”

Levitikọs 22:23

U sẹtin ye aranmwẹ ne ọ kpẹrri ra ne a yi khọ, sisara sokpan a i miẹn ọmwa ọnii zẹ vbe emwi ne a ya mu eyan sẹ.

Levitikọs 22:25

“Ghẹ ye aranmwẹ ne a miẹn orhunmwuyẹn re zẹ ọhẹ evbare, aranmwẹ ne egbe ma gba na ọ re a ka egbọre baa, a i vbe rhan obọ miẹn rẹn.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 7:19

A deghẹ emiowo nii dekan emwi awua, a ghẹ ghi rri ọe, sokpan a ghi giẹn ọnrẹn uan. Ọmwaikọmwa ne awua i gue sẹtin rri ọe.

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Nọmbas 18:27

Izẹọhẹ kpataki na, a ghi kae yọ wẹ umwọmwẹ rẹn vbe izẹọhẹ ọka kevbe ayọn ne ọgbugbo ru khin.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.