Levitikọs 7:16 - Edo Bible (E Baibol Ẹdo) Version 1996

¹⁶ “A deghẹ ọmwa viọ emwi izọhẹ isara ne ọ do ya mu eyan ne ọ yanrẹn sẹ rre, ra te ọ mu ẹẹn rre ne ọ do ya ẹe ru izọhẹ akọrhọre rre, a ma kha wẹ ne a wa rri ehia fo vbe ẹdẹ ne a do ya ẹe zẹ ọhẹ, sokpan, a deghẹ ọ kẹrre, a sẹtin rri ọe vbe ẹdẹ ne ọ lele ẹe.

Levitikọs 7:16 ပူးပေါင်းရင်းမြစ်များ

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 116:18

Vbe ehe ne emwa ruẹn hia gbe ẹbu yi, vbe ehe ne ọ huanrẹn ọghe Ọgua Osa ruẹ vbe Jerusalẹm I gha ha emwi ne I ve ne uẹn. Wa rho e Nọyaẹnmwa!

Psalm 66:13

I gha viọ ese ne a giẹn uan rriẹ owa ruẹ, I gha viọ emwi ne I ve ye urhu guẹ.

Ẹksọdọs 35:29

Ikpia kevbe ikhuo hia ni rre Izrẹl, ni vbe ho ne iran mwẹ obọ vbe iwinna ne Nọyaẹnmwa gie Mosis do kha wẹ ne a ru, keghi viọ emwi izọhẹ iran gie Nọyaẹnmwa.

Itan 7:14

“Ẹdẹnẹrẹ ọ re I yo imuohan, emiowo ne ọ sẹ mwẹ obọ vbe ne a ya zọ ese gue mwẹ.

Ezikiẹl 46:12

“Ovbiọba ne ọ rre asẹ gha ho ne ọ ya imuohan akekhọerre gie Nọyaẹnmwa, ọ gha re emwi imuohan ne a ra gien ikun ẹnrẹn ohoho nọ, ra ọghe ne a ya si isara nọ, a ghi kie urho odẹ ahọ ọghe ikun ne ọ ke uwu ẹre ne ẹẹn. Vbene ọ vbe ya yo imuohan vbe Ẹdẹ Ikẹtin ọre ọ gha vbe ya ru ẹe, ọ gha ladian nẹ, a ghi khui urho ni.”

Levitikọs 22:23

U sẹtin ye aranmwẹ ne ọ kpẹrri ra ne a yi khọ, sisara sokpan a i miẹn ọmwa ọnii zẹ vbe emwi ne a ya mu eyan sẹ.

Levitikọs 22:29

“U gha zọ ese ekpọnmwẹ ghe Nọyaẹnmwa, u ghi lae vbe ne a mwamwa ẹn ye otọ na, ne a miẹn ehe na rhan obọ miẹn ruẹn ẹre.

Levitikọs 23:38

Avbe emwiukpo, te avbe viọre ba ọghe Ẹdẹ ikẹtin, avbe izẹọhẹ keghi vbe re ne a viọ ba izẹ ọhẹ uwa ne a ka ru dee yi, izẹọhẹ ne uwa ya mu eyan sẹ, kevbe izẹ ọhẹ ne ọ ke ekhọe rre ne uwa rhie gie Nọyaẹnmwa.)

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nọmbas 15:3

A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:17

Wa ghẹ rri a ghae ye ihe igbe ọghe ọka uwa, ayọn uwa, ra ofigbọn oliv uwa. Wa ghẹ rri emwikemwi ne uwa ya zẹ ọhẹ ne Nọyaẹnmwa vbe evba: ọmọ ọdiọn ẹmila uwa ra ohuan uwa, ra izẹ ọhẹ ne uwa ve ẹre re, izẹọhẹ akekhọerre ọ ghe uwa ra emwi ihaoko ọvbehe ne ọ rhirhi a gha khin.

Diuteronomi 12:26

Wa ghi viọ emwi ihaoko uwa kevbe izẹọhẹ ne uwa ve Nọyaẹnmwa ẹre gha rrie ihe ọkpa ne a na ga.

Diuteronomi 12:6

Evba wa gha na gha zọ ese uwa na gha giẹn uan, kevbe izọ ese ọwua nekpa, kevbe a ghae ye ihe igbe ọghe uwa kevbe izẹọhẹ uwa, emwi ihaoko ne uwa ve Nọyaẹnmwa ẹre, izẹọhẹ a ke ekhọe rre kevbe emọ ọdiọn ọghe ẹmila kevbe ohuan uwa.