Levitikọs 7:13 - Edo Bible (E Baibol Ẹdo) Version 1996

¹³ Yevbe deba ọnii, ọ ghi vbe viọ ebrẹd ne a ma ya eyist gbe rre.

Levitikọs 7:13 ပူးပေါင်းရင်းမြစ်များ

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Levitikọs 2:12

Wa ghi ha oko ọka ne uwa ka gha rhọ gie Nọyaẹnmwa ukpukpo, sokpan a ghẹ giẹn ọnrẹn vbe aka.

Levitikọs 23:17

Dọmwadẹ ẹgbẹe ghi viọ ebrẹd eva rre, a ghi viọ ne Nọyaẹnmwa zẹ vbe izẹọhẹ kpataki ebrẹd ọkpọkpa ghi gha re ne a ya uwan enẹ ọghe ọka irhuarhua kevbe eyist ru a ghi vbe mu ẹẹn gie Nọyaẹnmwa zẹ vbe ihaoko ọghe akọrhọre ne okaro.

Levitikọs 23:18

Emwa nii ghi viọ ogho ihinrọn ni he rre ukpo ọkpa kevbe ẹkhuia ẹmila kevbe ẹwe eva, ehia ghi gha re ne ẹ i mwẹ okan, a ghi viọ ẹre lele ebrẹd nii gha dee. A ghi ya ẹe zẹ ọhẹ ese na giẹn uan gie Nọyaẹnmwa kevbe izẹọhẹ ọghe ọka ọghe ayọn. Uwinhinmwẹ izẹọhẹ na wa yẹ e Nọyaẹnmwa.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Matiu 13:33

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe eyist ne okhuo ọkpa rhiere, ọ keghi yae gua ọkpan irhuarhua ọkpa rhinrin irhuarhua ni te ghi do hue.”

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.