Levitikọs 7:12 - Edo Bible (E Baibol Ẹdo) Version 1996

¹² Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Levitikọs 7:12 ပူးပေါင်းရင်းမြစ်များ

II Krọnikol 29:31

E Hẹzekaia keghi tama emwa ni wẹẹ, “Vbe ne a ghi na miẹn nian wẹ awua ighi rre uwa egbe, wa viọ emwi do ya zọ ese ekpọnmwẹ ghe Nọyaẹnmwa.” Iran keghi khuẹnniẹn yọ, eso keghi vbe ya ekhọe obọ iran viọ aranmwẹ rre ne a ya sọ ese na giẹn uan.

II Krọnikol 33:16

Ọ keghi vbe dọlọ Ogiukpo ne a na ga e Nọyaẹnmwa yi, ọ na sisara ọ keghi vbe ru ekpọnmwẹ vbe evba. Ọ keghi tama ivbi e Juda hia wẹ ne iran gha ga e Nọyaẹnmwa ne Osanobua Izrẹl.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Psalm 107:8

Ọ kere ne iran rho e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 116:17

I gha zọ ese ekpọnmwẹ ghe ruẹ I ghi vbe na erhunmwu mwẹ ghe ruẹ.

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Levitikọs 2:4

A deghẹ ebrẹd ne a ru vbe aroewu nọ ighẹ nene emwi izọese nii, a ghẹ rhie eyist yọ. Ọ sẹtin gha re ebrẹd ne ọ mwẹ imi ne a ya irhuarhua ne a ye ofigbọn ọliv gbe, ra ne fẹrhẹfẹrhẹ ne a ye ofigbọn ọliv woo.

Levitikọs 2:5

“A deghẹ emwi ihaoko nii ighẹ ọghe ebrẹd ne a mu ọkpan ye erhẹn ya fian nọ, a ghi ya irhuarhua ne a ye ofigbọn ọliv gbe fian ẹn sokpan ne a ghẹ rhie eyist yọ.

Levitikọs 22:29

“U gha zọ ese ekpọnmwẹ ghe Nọyaẹnmwa, u ghi lae vbe ne a mwamwa ẹn ye otọ na, ne a miẹn ehe na rhan obọ miẹn ruẹn ẹre.

Levitikọs 6:16

Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.

Levitikọs 7:15

Ẹdẹ ne a ya aranmwẹ nii zọ ẹse ọre a gha vbe rri emiowo ẹre, a ghẹ gie ẹe kẹrre vbọ ne ẹdẹ gbe ẹe.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Nọmbas 6:15

Ọ ghi mu okhuae ọkpa ọghe ebrẹd ne a ma ya eyist le rre: ududu ebrẹd ne a ya irhuarhua ne a ya ofigbọn oliv gbe le, kevbe ebrẹd ne fẹrhẹfẹrhẹ ne a ya ofigbọn oliv lọọ, do deba inu ọka kevbe ayọn izẹọhẹ ne a ghi mwa yọ.

Iyẹn ne ọ Maan Ọghe Luk 17:16

Ọ keghi de gbe otọ vbe akharha Jesu, ọ na kpọnmwẹ ọẹn. Ovbi Sameria ọre nọ.

Iyẹn ne ọ Maan Ọghe Luk 17:18

Vbe a na miẹn hẹ ighe orhunmwuyẹn na ọkpa ọre ọ ghi dọlegbe rre do kpọnmwẹ Osanobua?”

Ebe ne Pọl gbẹẹn gie emwa Rom 1:21

Iran rẹn Osanobua, sokpan iran ma rhie uyi ne ọ khẹ kẹe nẹẹn, debare, iran ma kpọnmwẹ ọẹn. Ne iran gha na te ru vberriọ, ekhọe iran keghi do khian emwi oya fẹẹrẹ.

Ẹfisọs 5:20

Gha kpọnmwẹ Osanobua ne Erha emwi hia vbe ẹghẹ hia, vbe eni Nọyaẹnmwa Jesu Kristi.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.