Levitikọs 7:1 - Edo Bible (E Baibol Ẹdo) Version 1996

¹ “Emwamwa ọghe vbene a gha ya gha ha emwi werriegbe hẹ ọre ena khin. Izọese ne ọ huansẹ ẹsẹse nọ.

Levitikọs 7:1 ပူးပေါင်းရင်းမြစ်များ

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

Ezikiẹl 40:39

Eteburu enẹ kegha rre ughugha nọkhua na, eveva vbe obọ ọkpọkpa vbe ughugha nii. Uhunmwu avbe eteburu na ọ re iran na gbele avbe aranmwẹ ne iran ya zọ ese, ọ gha re te a ra wa gien ikun ẹnrẹn hia nọ, ra ne a ra ya zọ ese ye orukhọ ra imuohan a hae werriegbe.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Ezikiẹl 46:20

Ọ wẹẹ, “Emwa na ọ re avbe ohẹn na le emiowo ne emwa do ya zọọ ese ye orukhọ ra ne iran do ya haa osa, evba ọ re iran na vbe le eka ọghe irhuarhua, ne a ghẹ miẹn ehe na mu emwikemwi nọhuanrẹn ladian gha rrie ẹghodo ore, ne ọ ghẹ ya kuan avbe emwa.”

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Levitikọs 5:14

E Nọyaẹnmwa keghi yi uhi na ma e Mosis:

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Levitikọs 5:8

“Ọ ghi viọ iran bu ohẹn gha dee ne ọ ka ye ọkpa vbọ zẹ ese ye orukhọ. Ọ ghi bun ẹnrẹn ẹyaẹn vbe ne ẹ i na vbọ uhunmwu ẹnrẹn hin rre.

Levitikọs 6:25

“We ne ọ ma Errọn kevbe ivbi ẹre, emwamwa na, ọ ghe vbene a zọ ese ye orukhọ hẹẹ. Aranmwẹ ne a ya zọ ese ye orukhọ, odẹ okuọ ọghe aka ọre a gha na gha gbe ẹe, odẹ ehe ne a na gbele aranmwẹ eso ne a giẹn uan, izọese ne ọ huansẹ ẹsẹse ọre ọna khin.

Nọmbas 6:12

Ọ ghi vbe dọlegbe ya ẹghẹ ọre fi ohan zẹ vbe Agbihiagha. A i ghi ka ẹghẹ ne ọ ka ruẹ la yọ rhunmwuda, awua la eto nọ te ka ya fi ohan. Ọ ghi mu ivbi ohuan ne ọ rre ukpo ọkpa rre do ya zọ ese ahaewerriegbe.