Levitikọs 6:6 - Edo Bible (E Baibol Ẹdo) Version 1996

⁶ “Ọ ghi mu ogho ra ovbukhọ ne ẹ i mwẹ okan gie ohẹn zẹ vbe emwi izọ ese ne a ya ha emwi werriegbe. Omwa ne agbọn hia kue yi ọre a gha ya fian ive yọ.

Levitikọs 6:6 ပူးပေါင်းရင်းမြစ်များ

Ẹzra 10:19

Iran keghi yan wẹ iran gha khulo amwẹ iran, iran keghi ya ogho zọ ese ye orukhọ iran.

Nehimaia 10:35

Ukpo ukpo, ma gha viọ avbe emwiokọ ne ima gha rhọ ya gha mu ohan vbe Ọgua Osa, kevbe avbe ọmọ erhan ne ọ ka gha vbọ vbe emwiokọ mwa.

Ezikiẹl 40:46

kevbe wẹ ughugha ne ọ mu aro da odẹ okuọ, avbe ohẹn ni winna vbe Ogiukpo ọ re ọ yan rẹn. Ivbi uniẹn Zadọk ọ re avbe ohẹn nii hia wa khin. Vbe uwu avbe ivbi uniẹn e Livai hia, iran na ọkpa ọ re a kue ne ọ gha rrie odaro e Nọyaẹnmwa ne ọ ya ru emwi ne ẹẹn.

Levitikọs 14:12

Iyeke ọnii ohẹn ghi mu ọkpa vbe ivbi ogho nii, ọ ghi ya ẹe zọ ese zẹ vbe ese a hae werriegbe ke ẹe kevbe ukhiọnmwẹ ọgọ ofigbọn ọliv nii, ọ ghi viọ ẹre rre zẹ vbe ihaoko kpataki gie Nọyaẹnmwa ne avbe ohẹn.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 5:18

Vbene ọ gha na mu ogho ra ovbukhọ ne ẹ i mwẹ okan rre, ọmwa ne agbọn hia rhan obọ miẹn ọre a gha ya fian ive yọ, ohẹn ghi zọ ese nii ye orukhọ ọmwa nii, a ghi vbe ya bọe.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.