Levitikọs 6:4 - Edo Bible (E Baibol Ẹdo) Version 1996

^4-5 Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Levitikọs 6:4 ပူးပေါင်းရင်းမြစ်များ

Gẹnẹsis 21:25

Ebraham keghi ya gui ẹmwẹ uhae ne ọ wẹẹ ibiẹka Abimẹlẹk gbe miẹn ẹnrẹn re.

Nehimaia 5:11

Wa ya emwi ne iran rri osa ẹre hia ma iran igho ra ọka ra ayọn ra ofigbọn oliv. Wa vbe fannọ emwi iran hia ne iran vbene a wa tae na, ugbo, ogba azara, ogba oliv kevbe owa!”

Job 20:19

rhunmwuda ne ọ na yan gbe iran ọ na vbe gha zẹ ivbiogue kpokpo ọ na ya iwegbe mu owa ne ọmwa ọvbehe bọe.

Job 24:2

“Emwa ghi gha silo irri ne a ya fian uwu, ne iran miẹn ehe na mu otọ ba otọ. Iran gha du ohuan mu, iran ghi ya mu ba oghẹn ohuan iran.

Ezikiẹl 18:12

Ọ gbe ivbiogue rhu, ọ rha, ọ wa rhie emwi ne ọmwa ne ọ mọmọ ẹre emwi rhie ne ẹẹn dayi. Ọ yo avbe aro ẹbọ iran ni ga ẹbọ, ọ vbe ga avbe ẹbọ osọnnọ.

Ezikiẹl 18:18

Vbe odẹ ne ogieva, erha ẹe do oyi, ọ vbe rha, ọ vbe ru emwa hia emwi dan vbe ẹghẹ hia. Rhunmwuda ọnii, orukhọ ne ọ tobọ ẹre ru ọ re ọ wu yi.

Ezikiẹl 18:7

Ẹ i rha ọmwa ẹ i do ọmwa oyi. Ọ vbe rhie emwi ne ọmwa ne ọ mọmọ ẹre emwi rhie ne ẹẹn da yi, werriegbe ne ẹẹn, ọ koko ne ohanmwẹ gbe, ọ vbe rhie ukpọn ne ne ọ rre irhunmwuirhun.

Ezikiẹl 33:15

vbe igiemwi, ọ rhie, emwi ne ọmwa ne ọ mọmọ ẹre emwi rhie ne ẹẹn da yi werriegbe ne ẹẹn, ra emwi ne ọ te do rhie werriegbe, adeghẹ ọ dobọ orukhọ yi, ọ na gha ya avbe uhi ne ọ rhie arrọọ ne ọmwa ru emwi, ẹ i wu, te ọ ra diagbọnya.

Ezikiẹl 44:19

Iran te ladian gha rrie ore vbe ehe ne avbe emwa ye, iran ghi bannọ ukpọn ne iran yọe vbe uwu Ọgua Osa ye ughugha nọhuanrẹn nii. Iran ghi hẹ ukpọn ọvbehe ye egbe ne ukpọn nii ghẹ ya kuan avbe emwa nii.

Levitikọs 24:18

Ọmwa ne ọ vbe gbe emwirri ọmwa ọvbehe, ọ ghi mu ọvbehe ye ọre. Vbene a ru ẹe ọrọre wẹ uhunmwu a ya ha osa uhunmwu.

Levitikọs 24:21

Ọmwa ne ọ gbe aranmwẹ rua, ọ ghi mu ye ihe ẹre, sokpan ọmwa ne ọ gbe ọmwa ran, a ghi vbe gbe ẹe rua.

Levitikọs 4:12

U ghi mu ehia ladian gha rrie ehe ne awua i ye vbe ore, vbe ehe ne a na mu emuẹn ọnrẹn kua, ne u ya giẹn ọnrẹn uan vbe evba vbe erhẹn erhan.

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Zẹfanaia 1:9

I gha rri iran hia oya ighẹ iran ni ru ugamwẹ zẹ vbe ivbi ẹbọ, iran ni rha, ni vbe do izigha ne a miẹn ehe na ye emwi ne a fu hẹ vuọn owa arowa iran; deba erẹrẹ kevbe uyinmwẹ ne ọ wegbe.

Malakai 1:13

Wa ghi kha wẹẹ, ‘Ena hia wa khan ima,’ wa ghi gha tọn ukpihue mu ghe mwẹ, wa gha ra ha oko gunmwẹ, wa ghi mu aranmwẹ ne uwa do mu rre, ra ne ọ kun use ra ne ọ khuọnmwi. Wa yayi ighe mẹ gha rhan obọ miẹn uwa ọnii ra?

Nọmbas 5:7

Ọ ghi miẹn orukhọ ẹre kue, ọ ghi vbe hae osa gba deba aghae ye ihe ugie ẹre ne ọmwa nii ne ọ ba emwi ku ru ghe.