Levitikọs 6:3 - Edo Bible (E Baibol Ẹdo) Version 1996

³ Ra te ọ ta ohoghe ye ẹmwẹ emwi ne ọ wiri, vbene ọ gha na vẹn ihẹn wẹ rẹn ma miẹn ọẹn.

Levitikọs 6:3 ပူးပေါင်းရင်းမြစ်များ

Ẹksọdọs 23:4

“U gha miẹn i ghẹ ẹmila ra ekẹtẹkẹtẹ eghian ruẹn fian fua, u ghi muẹn dọlegbe gie ẹe.

Ẹksọdọs 28:42

Sele utalawẹ ne ọ gha gue ẹkun ya sẹ ekuawẹ ne iran, ne iran ghẹ ya gha bannọ uan.

Itan 24:28

Ghẹ sẹ osẹe gbe ọmwaikọmwa vbe ne ẹ i na mwẹ otọ esi; ra ne u ya ta ẹmwẹ ne ẹ i gia miẹn otọ ẹmwẹ vbe ekpa ẹre.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Ezikiẹl 44:19

Iran te ladian gha rrie ore vbe ehe ne avbe emwa ye, iran ghi bannọ ukpọn ne iran yọe vbe uwu Ọgua Osa ye ughugha nọhuanrẹn nii. Iran ghi hẹ ukpọn ọvbehe ye egbe ne ukpọn nii ghẹ ya kuan avbe emwa nii.

Levitikọs 1:16

Ọ ghi mu ẹkpurhu ọre hin rre ke ẹe kevbe emwi nii rrọ, ọ ghi filo ẹe kua ghe odẹ ahọ vbe obọ ne a kpolo emuẹn yi.

Levitikọs 16:4

E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”