Levitikọs 6:29 - Edo Bible (E Baibol Ẹdo) Version 1996

²⁹ Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

Levitikọs 6:29 ပူးပေါင်းရင်းမြစ်များ

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Levitikọs 6:25

“We ne ọ ma Errọn kevbe ivbi ẹre, emwamwa na, ọ ghe vbene a zọ ese ye orukhọ hẹẹ. Aranmwẹ ne a ya zọ ese ye orukhọ, odẹ okuọ ọghe aka ọre a gha na gha gbe ẹe, odẹ ehe ne a na gbele aranmwẹ eso ne a giẹn uan, izọese ne ọ huansẹ ẹsẹse ọre ọna khin.

Levitikọs 6:26

Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

Levitikọs 7:6

Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Hagai 2:12

Gie a kha ighe orhunmwu ọkpa rhie ukpudu emiowo vbe aranmwẹ ne a ya fi ohan nẹ vbe uwu aranmwẹ ne a ya zẹ ese, ọna vbuẹ ọre ye agbada ẹwu ẹre mu gha rrie, a deghẹ ọ ghi gie ẹwu ẹre ni dekan ebrẹd, evbare ne a le nẹ, ayọn ofigbọn oliv, ra evbareikevbare ne ọ rhirhi a gha khin, ọ gha ye evbare nii khian ne avbe ya fi ohan ra?” A ghi nọ ọta na, avbe ohẹn keghi wanniẹn wẹẹ, “Ẹn o.”

Nọmbas 18:10

Ehe nọhuanrẹn ọre u gha na gha rri avbe emwi na, ikpia ọkpa ọre ọ gha rri ọe. Kae ye emwi ne a ya ru emwi.