Levitikọs 6:27 - Edo Bible (E Baibol Ẹdo) Version 1996

²⁷ Ọmwaikọmwa ra emwikemwi ne ọ ya egbe kan emiowo aranmwẹ nii, uhuanmwẹ aranmwẹ nii ghi ya ẹe khian ọmwa ne emwi gue. Esagiẹn ọnrẹn gha sanmwẹ ye ukpọn, a ghi ye amẹ ne ọ huansẹ họ ẹre.

Levitikọs 6:27 ပူးပေါင်းရင်းမြစ်များ

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Ẹksọdọs 30:29

Erriọ u gha ya ye avbe emwi na hia fiohan, iran ghi do gha re ne ọ huan fo, emwi ne ọ rhirhi dekan iran gha miẹn ikuan egbe rhunmwuda uhuanmwẹ ọnrẹn.

Ezikiẹl 44:19

Iran te ladian gha rrie ore vbe ehe ne avbe emwa ye, iran ghi bannọ ukpọn ne iran yọe vbe uwu Ọgua Osa ye ughugha nọhuanrẹn nii. Iran ghi hẹ ukpọn ọvbehe ye egbe ne ukpọn nii ghẹ ya kuan avbe emwa nii.

Levitikọs 11:32

Ikun iran gha vbe degbe emwikemwi, iran ghi vbe gha mwẹ awua. Te ọna wa sẹ egbe emwi hia, kevbe ne a ya erhan ru, ukpọn, ohian ẹkpo, emwi ne ọ khọn rẹn ne a gha ya ẹe ru. A ghi fi ẹe ye amẹ, sokpan ọ ghi gha re ne ọ mwẹ awua, ọ te ya sẹ ota.

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 7:19

A deghẹ emiowo nii dekan emwi awua, a ghẹ ghi rri ọe, sokpan a ghi giẹn ọnrẹn uan. Ọmwaikọmwa ne awua i gue sẹtin rri ọe.

Hagai 2:12

Gie a kha ighe orhunmwu ọkpa rhie ukpudu emiowo vbe aranmwẹ ne a ya fi ohan nẹ vbe uwu aranmwẹ ne a ya zẹ ese, ọna vbuẹ ọre ye agbada ẹwu ẹre mu gha rrie, a deghẹ ọ ghi gie ẹwu ẹre ni dekan ebrẹd, evbare ne a le nẹ, ayọn ofigbọn oliv, ra evbareikevbare ne ọ rhirhi a gha khin, ọ gha ye evbare nii khian ne avbe ya fi ohan ra?” A ghi nọ ọta na, avbe ohẹn keghi wanniẹn wẹẹ, “Ẹn o.”

Matiu 14:36

Iran rinmwiaẹn wẹẹ, ọ gha rhe gha re ehọ ẹwu ẹre ọkpa nọ ne ọ gie avbe ọkhọnmwọ ya obọ kan rẹn. Egbe keghi rran iran hia ni ya obọ kan rẹn.

Matiu 9:21

Rhunmwuda te irẹn wa gha tae wẹ, “I gha sẹtin ya obọ kan ukpọn rẹn, egbe gha rran mwẹ.”

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

II Kọrinti 7:11

Wa ghe emwi ne Osanobua ye ẹko ne ọ rriara uwa na ru, vbene uwa ghi mu aro ye emwi hẹ, vbene uwa ghi ziga hẹ ne uwa rhie maa ighẹ, wa ma rẹn ọkpa wa ma rẹn eva. Egbe ohu nọkhua vberriọ egbe utumwẹ wa bu rre vberriọ, a mu emwi roro, a mu aro ye emwi, a mu egbe ne a ya gbe ọmwa hin ọkhọ rre! Wa keghi wa rhie egbe uwa zẹ vbe ọmwa ne ọ ma rri abe rhọkpa vbe uwu ẹmwẹ na.