Levitikọs 6:23 - Edo Bible (E Baibol Ẹdo) Version 1996

²³ A ghẹ zẹdẹ re vbe izẹọhẹ ọka ne ohẹn ru hiehiere, a ghi wa giẹn ehia a.”

Levitikọs 6:23 ပူးပေါင်းရင်းမြစ်များ

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Levitikọs 2:10

Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.

Levitikọs 4:12

U ghi mu ehia ladian gha rrie ehe ne awua i ye vbe ore, vbe ehe ne a na mu emuẹn ọnrẹn kua, ne u ya giẹn ọnrẹn uan vbe evba vbe erhẹn erhan.

Levitikọs 4:21

Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.

Levitikọs 4:5

Iyeke ọnii Ogie Ohẹn ghi rhie vbe esagiẹn ẹkhuia nii gha rrie uwu Owa Ukpọn.

Levitikọs 6:22

Ovbi Errọn ne ọ rhirhi gha rre ukpo Ogie Ohẹn, te ọ gha zẹ ọhẹ na ke orre ya sẹ orre. A ghi wa giẹn ọnrẹn uan fẹẹrẹ zẹ vbe emwi izese ghe Nọyaẹnmwa.

Levitikọs 6:24

E Nọyaẹnmwa keghi tama e Mosis: