Levitikọs 6:22 - Edo Bible (E Baibol Ẹdo) Version 1996

²² Ovbi Errọn ne ọ rhirhi gha rre ukpo Ogie Ohẹn, te ọ gha zẹ ọhẹ na ke orre ya sẹ orre. A ghi wa giẹn ọnrẹn uan fẹẹrẹ zẹ vbe emwi izese ghe Nọyaẹnmwa.

Levitikọs 6:22 ပူးပေါင်းရင်းမြစ်များ

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Levitikọs 4:24

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbe avbe aranmwẹ ne a ya zọ ese na giẹn uan. Ese ne a ya kpe orukhọ kua ọre ọna khin.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Levitikọs 6:11

Ọ ghi ya fi ẹwu werriẹ, ọ ghi viọ emuẹn nii lahin agọ rre gha rrie ehe ne ẹ i mwẹ awua.

Levitikọs 6:21

A ghi ya ofigbọn gbe ẹe, a ghi mu ọkpan ye erhẹn ya le ẹe, a ghi guọguọe, a ghi ya ẹe zọhẹ zẹ vbe emwi izẹ ọhẹ ọghe ọka, emwi ne ọ winhin yẹ e Nọyaẹnmwa.

Levitikọs 6:23

A ghẹ zẹdẹ re vbe izẹọhẹ ọka ne ohẹn ru hiehiere, a ghi wa giẹn ehia a.”

Diuteronomi 10:6

(Ivbi Izrẹl keghi kpao vbe uhae ivbi Jaakan rre, iran na gha rrie Mosera. Errọn keghi wu, a na re ẹre ye evba. Eliaza ne ovbi ẹre ke ghi rhie ihe ẹre zẹ vbe ohẹn.

Hibru 7:23

Alughaẹn ne egbe ọvbehe ye vbe rrọọ, avbe ohẹn nekpa nii, wa bun, rhunmwuda wẹ, te iran vbe wulo, iran i ghi vbe sẹtin gha winna iwinna iran khian.