Levitikọs 6:21 - Edo Bible (E Baibol Ẹdo) Version 1996

²¹ A ghi ya ofigbọn gbe ẹe, a ghi mu ọkpan ye erhẹn ya le ẹe, a ghi guọguọe, a ghi ya ẹe zọhẹ zẹ vbe emwi izẹ ọhẹ ọghe ọka, emwi ne ọ winhin yẹ e Nọyaẹnmwa.

Levitikọs 6:21 ပူးပေါင်းရင်းမြစ်များ

I Krọnikol 23:29

Ne iran gha gbearoghe ebrẹd ne a ya fi ohan ne Osanobua, avbe irhuarhua ne a ya ru izọese, avbe ebrẹd ne fẹrhẹfẹrhẹ ne a ma rhie eyist yi a ke le ẹe, avbe emwi izọese ne a ranmwẹ ne ọ kae kevbe irhuarhua ne a ye ẹvbi oliv gbe, ne iran gha mwa kevbe ne iran vbe gha ka emwi izẹọhẹ ọghe Ọgua Osa.

I Krọnikol 9:31

E Livai ne a tie eni ẹnrẹn Matitaia, ne ọre ovbi e Sialọm nọdiọn, vbe uniẹn e Kora, ọ re ọ yan iwinna emwi ne a ghi fian ẹre eka ya ru ugamwẹ imuohan nẹ.

Levitikọs 11:33

Ọ gha de yan akhe, emwi ni rrọọ hia mwẹ awua nẹ, a ghi guọghọe rua ighẹ akhe nii.

Levitikọs 15:12

Uwawa ne ọmwa nii a rhirhi ya obọ kan, a ghi guọghọe rua, ọkpan ne ọ rhirhi vbe ya obọ kan, a ghi kpe ẹe.

Levitikọs 2:5

“A deghẹ emwi ihaoko nii ighẹ ọghe ebrẹd ne a mu ọkpan ye erhẹn ya fian nọ, a ghi ya irhuarhua ne a ye ofigbọn ọliv gbe fian ẹn sokpan ne a ghẹ rhie eyist yọ.

Levitikọs 6:22

Ovbi Errọn ne ọ rhirhi gha rre ukpo Ogie Ohẹn, te ọ gha zẹ ọhẹ na ke orre ya sẹ orre. A ghi wa giẹn ọnrẹn uan fẹẹrẹ zẹ vbe emwi izese ghe Nọyaẹnmwa.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Levitikọs 7:9

Izẹọhẹ ọka hia ne a fian ẹn vbe aroewu ra vbe ọkpan ra vbe uwawa, ohẹn ne ọ ya ẹe zọhẹ ne Nọyaẹnmwa ọre ọ yan rẹn.