Levitikọs 6:2 - Edo Bible (E Baibol Ẹdo) Version 1996

² “Te ọmwa gha zọ ese yọ a deghẹ igho ne ovbi Izrẹl rhie nẹẹn rhiemwẹ khian ne ọ ma ghi rhie werriegbe ne nọyan rẹn, ra vbe ọ gha rha ẹre, ra te ọ mu ẹẹn ru.

Levitikọs 6:2 ပူးပေါင်းရင်းမြစ်များ

Gẹnẹsis 26:7

Emwa ẹvbo nii ghi gualọ otọ ẹmwẹ amwẹ ọnrẹn vbe obọ ẹre, ọ keghi kha wẹẹ, “Ọtẹn mwẹ nokhuo nọ.” Ohan kegha muẹn wẹẹ emwa ẹvbo nii gha gbe irẹn uan ne iran rhie, e Ribẹka ne ọ wa mose ẹsẹse.

Psalm 51:4

I rukhọ ghe ruẹ nẹ, wẹ ọkpa ọ re I rukhọ ọ ghe I keghi vbe ru emwi ne uwẹ ka ye orukhọ. Rhunmwuda ọnii, u rriase vbe u bu ohiẹn mwẹ emwi ne ọ kere ọ re u ru; vbe u bu abe gbe mwẹ.

Itan 24:28

Ghẹ sẹ osẹe gbe ọmwaikọmwa vbe ne ẹ i na mwẹ otọ esi; ra ne u ya ta ẹmwẹ ne ẹ i gia miẹn otọ ẹmwẹ vbe ekpa ẹre.

Aizaia 21:2

I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Jerimaia 9:5

Dọmwadẹ ọghọe bibi ọsiọre odẹ a i ghi miẹn ne ọ ta ẹmwata iran ma aranmwẹ iran ohoghe ne a ta iran i vbe dobọ orukhọ ne a ru yi. Iran ru emwi ọkhọ okpa yan ọvbehe iwinna erẹrẹ okpa ghi lele ọvbehe e Nọyaẹnmwa tae i ghẹ emwa irẹn hee irẹn yotọ nẹ.

Ezikiẹl 40:46

kevbe wẹ ughugha ne ọ mu aro da odẹ okuọ, avbe ohẹn ni winna vbe Ogiukpo ọ re ọ yan rẹn. Ivbi uniẹn Zadọk ọ re avbe ohẹn nii hia wa khin. Vbe uwu avbe ivbi uniẹn e Livai hia, iran na ọkpa ọ re a kue ne ọ gha rrie odaro e Nọyaẹnmwa ne ọ ya ru emwi ne ẹẹn.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 5:19

Emwi izọhẹ ne ọ ya ha osa orukhọ ne ọ ru ghe Nọyaẹnmwa nọ.”

Levitikọs 6:1

E Nọyaẹnmwa keghi yi avbe uhi na hia ma e Mosis:

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Habakọk 1:13

Sokpan, vbe uwẹ ra sẹtin ziengbe avbe igbẹki ne emwa dan na hẹ yi? Aro ruẹ huan gbe ne ọ gha sẹtin ghe ọkhọ, wẹ i vbe sẹtin gha ghe ughe vbe emwa a gha ru emwi dan, vbọzẹ ne uwẹ na hunwan yi vbe iran dunmwu emwa ni maa sẹ iran an?

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 5:4

Ẹghẹ ne u ma na he khiẹn emwi ni, wẹ ọre ọ yan rẹn. Ugbẹn vbe u vbe khiẹn ọẹn nẹ, wẹ ọ ye vbe yan rẹn. Vbe ekhọe ruẹ ghi na gue zẹ iro hẹ yi ne u ru egbe emwi vbe nian? Ẹre ọmwa ne agbọn ọre u ta ohoghe ma, Osanobua ọre u ta ohoghe ma.”

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.