Levitikọs 6:19 - Edo Bible (E Baibol Ẹdo) Version 1996

¹⁹ E Nọyaẹnmwa keghi viọ avbe ilele na ne Mosis:

Levitikọs 6:19 ပူးပေါင်းရင်းမြစ်များ

Ẹksọdọs 29:2

U ghi vbe viọ ebrẹd ne ọ ma hue, ebrẹd ne eyist i ye kevbe ebrẹd eso ne a ye ofigbọn oliv ru, kevbe ebrẹd nọ ma hue ne parha ne a tu ofigbọn yan. Igharhuarhua ọghe ọka irhuarhua ne ọ wa ma ọre a gha ya ru ẹe.

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Levitikọs 10:18

Vbe ne a na miẹn wẹ a ma mu esagiẹn ọnrẹn gha die uwu owa ukpọn ne ọ huansẹ, te uwa gha te rri ese nii vbe evba zẹ vbene I khare.”

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 6:20

“Vbene a gha ya gha ma ohẹn Errọn hẹ. Vbe ẹdẹ ne a gha ma ẹre ohẹn nii ọ ghi mu uwan ọkpa ọghe irhuarhua ya zẹ ọhẹ gie Nọyaẹnmwa (zẹ vbene izọhẹ ọka ọghe ẹdẹgbegbe vbe bun sẹ) ukhiọnmwẹ vbe owiẹ, ukhiọnmwẹ vbe ota.

Levitikọs 6:9

Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

Nọmbas 18:27

Izẹọhẹ kpataki na, a ghi kae yọ wẹ umwọmwẹ rẹn vbe izẹọhẹ ọka kevbe ayọn ne ọgbugbo ru khin.

Nọmbas 18:9

Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.