Levitikọs 6:18 - Edo Bible (E Baibol Ẹdo) Version 1996

¹⁸ Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 6:18 ပူးပေါင်းရင်းမြစ်များ

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Levitikọs 4:24

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbe avbe aranmwẹ ne a ya zọ ese na giẹn uan. Ese ne a ya kpe orukhọ kua ọre ọna khin.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 4:33

Ọ ghi rhie obọ yan ẹre uhunmwu ne ọ gbe ẹe vbe odẹ okuọ ọghe aka ne a na gbele aranmwẹ ne a ya zọ ese ne a giẹn uan.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.

Levitikọs 6:19

E Nọyaẹnmwa keghi viọ avbe ilele na ne Mosis:

Levitikọs 6:27

Ọmwaikọmwa ra emwikemwi ne ọ ya egbe kan emiowo aranmwẹ nii, uhuanmwẹ aranmwẹ nii ghi ya ẹe khian ọmwa ne emwi gue. Esagiẹn ọnrẹn gha sanmwẹ ye ukpọn, a ghi ye amẹ ne ọ huansẹ họ ẹre.

Levitikọs 6:29

Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

Levitikọs 7:6

Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Nọmbas 18:10

Ehe nọhuanrẹn ọre u gha na gha rri avbe emwi na, ikpia ọkpa ọre ọ gha rri ọe. Kae ye emwi ne a ya ru emwi.

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

I Pita 1:16

Rhunmwuda, ebe khare wẹẹ, “Ọ kere ne uwa gha re ne ọ huanrẹn rhunmwuda ne ọ huanrẹn ọre imẹ vbe khin.”

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.