Levitikọs 6:16 - Edo Bible (E Baibol Ẹdo) Version 1996

^16-17 Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.

Levitikọs 6:16 ပူးပေါင်းရင်းမြစ်များ

II Krọnikol 31:14

E Kore ne ovbi Imna ne ọ vbe re Livai ne ọ re ọkaolotu iran ni khẹ Onurho Odẹ Ahọ vbe Ọgua Osa, ẹre iran rhie yọ ne ọ gha koko emwi ne a ya zẹ ọhẹ gie Nọyaẹnmwa kevbe ne ọ vbe gha gha ẹre.

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Levitikọs 2:3

Ni ghi dekẹe vbe emwi imuohan ọghe ọka nii, avbe ohẹn ne ivbi Errọn ọre ọ ghi yaẹn, emwi ne ọ huansẹ ẹsẹse wa nọ rhunmwuda usun evbare ne a ya fi ohan ne Nọyaẹnmwa nọ.

Levitikọs 5:13

Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe. Irhuarhua ni ghi dekẹe, ọghe ohẹn nọ, zẹ vbene ovbe ye vbe ọghe izẹọhẹ ọka.”

Levitikọs 6:23

A ghẹ zẹdẹ re vbe izẹọhẹ ọka ne ohẹn ru hiehiere, a ghi wa giẹn ehia a.”

Levitikọs 6:26

Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.