Levitikọs 5:8 - Edo Bible (E Baibol Ẹdo) Version 1996

⁸ “Ọ ghi viọ iran bu ohẹn gha dee ne ọ ka ye ọkpa vbọ zẹ ese ye orukhọ. Ọ ghi bun ẹnrẹn ẹyaẹn vbe ne ẹ i na vbọ uhunmwu ẹnrẹn hin rre.

Levitikọs 5:8 ပူးပေါင်းရင်းမြစ်များ

Levitikọs 1:15

Ohẹn ghi mu ẹẹn gha die aka, ọ ghi khiẹn ọnrẹn urhu, ọ ghi giẹn uhunmwu ọnrẹn vbe aka. A ghi da esagiẹn ọnrẹn ladian ye egbe aka.

Levitikọs 1:17

Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.