Levitikọs 5:4 - Edo Bible (E Baibol Ẹdo) Version 1996

⁴ “A deghẹ ọmwa la ekpa a i gbe aro ke otọ vẹn ihẹn oguegue, ọ rri abe vbe ọwarọkpa ne ọ ya rẹn emwi ne irẹn ru.

Levitikọs 5:4 ပူးပေါင်းရင်းမြစ်များ

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Ọba 6:31

Ọ keghi datu wẹẹ, “Te Osanobua gha kinmwi mwẹ gbe ua a deghẹ I ma fian Elaisia uhunmwu fua ẹdẹ te mu ẹrẹna.”

Psalm 106:33

Iran keghi ya ohu mu ẹẹn sẹrriọ wẹ ọ na wa gha talọ vbe ne ẹ i na zẹdẹ ka roro ẹe.

Levitikọs 5:13

Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe. Irhuarhua ni ghi dekẹe, ọghe ohẹn nọ, zẹ vbene ovbe ye vbe ọghe izẹọhẹ ọka.”

Levitikọs 5:3

“A deghẹ ọmwa la ekpa a i gbe aro ke otọ ya obọ kan emwi ne ọ ma huan ne ọ ke egbe ọmwa rre, awua gue ẹe, ọ vbe rri abe vbe ọwarọkpa ne ọ ya rẹn emwi ne irẹn ru.

Nọmbas 30:6

A deghẹ okhuo ne ọ ma rọnmwẹ ọdọ ve emwi, ọ re te ọ yan ru ẹe ra ọ ma rẹn vbe ọ ru ẹe, ra te ọ yan rẹn wẹ rẹn gha zobọ vbe emwi eso, ọ na ghi ya rọnmwẹ ọdọ,

Nọmbas 30:8

Sokpan adeghẹ ọdọ ẹre wẹ rẹn i kue yọ vbe ẹghẹ vbe ọ họn ẹẹn, wẹ ne ọ ghẹ ru ẹe, a i ghi vbe wẹ ne ọ ru ẹe. E Nọyaẹnmwa gha ya bọe.

Matiu 14:7

ne ọ na ya ihen yan ma rẹn wẹẹ, “Nọ emwi ne u rhirhi gha ho vbe obọ mwẹ, I gha rhie ẹre nuẹn.”

Matiu 14:9

Emwi na keghi da ọba ẹsẹse sokpan rhunmwuda ighe sirra emwa ni rre evba hia ọre ọ na vẹn ihẹn, ọ na wẹ ne iran ya mu gi ẹe vbene ọ nọ rẹn.

Iyẹn ne ọ Maan Ọghe Mak 6:23

Ọ keghi vẹn ihẹn ya yan ma rẹn, “Emwi ne u rhirhi nọọn, I gha rhie nu ẹn, a gha rhe wẹ ne a wa arriọba mwẹ ye eva nọ.”

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Jọsua 2:14

Ikpia nii keghi wanniẹn tama rẹn wẹẹ, “Te Osanobua gha miẹn ima uhunmwu vbe ima ma ru vbene u khare. A deghẹ u ma te emwi ne ima ru na ladian, ma gha ye obọ esi mu uẹn vbe e Nọyaẹnmwa a mu otọe na ne ima.”

Jọsua 9:15

Ẹre Jọsua na gu iran vẹn ihẹn ọse, ọ na vbe gu iran ta ile ne gbain wẹ, iran gha gie iran gha rre agbọn. Avbe ọkaolotu ivbi Izrẹl keghi ya ekhọe hia yan eyan ma iran.

Giọgis 11:31

I gha ke okuo nii dee, ọmwaikọmwa ne ọ ka ke owa mwẹ ladian do khian vba mwẹ, I gha giẹn ọnrẹn uan ya zọ ese nuẹn.”

Giọgis 21:18

Sokpan ma i sẹtin gie iran viọ ivbi ima rọnmwẹ, rhunmwuda ma tie ihẹn yọ nẹ emwi gha rruan ọmwa ne ọ rhirhi rhie ovbi ẹre ne iran vbe uwu ima.”

Giọgis 21:7

Vbe a gha ru ẹe hẹ ne a ya viọ ikhuo ne ni ghi dekẹe vbe ivbi e Bẹnjamin? Ma yan ma e Nọyaẹnmwa nẹ wẹ ma i ra viọ ivbi ima ne ikhuo ne iran.”

Giọgis 9:19

Rhunmwuda onii nian a deghẹ emwi esi wa ru ghe Gidiọn kevbe ẹgbẹe ọre vbe ne ọ ke ekhọe rre, wa gie ẹko Abimẹlẹk gha rhiẹnrhiẹn uwa ne ẹko uwa vbe gha rhiẹnrhiẹn irẹn.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 25:22

Te Osanobua gha kinmwi mwẹ gbe ua a deghẹ ima gbele emwa rẹn hia ne ọ ghẹ ghi ke ẹe vbọ ọ te sẹ owiẹ!”