Levitikọs 5:3 - Edo Bible (E Baibol Ẹdo) Version 1996
3 “A deghẹ ọmwa la ekpa a i gbe aro ke otọ ya obọ kan emwi ne ọ ma huan ne ọ ke egbe ọmwa rre, awua gue ẹe, ọ vbe rri abe vbe ọwarọkpa ne ọ ya rẹn emwi ne irẹn ru.
Iyekọni, ọ ghi la Ọgua ne ọ ke uwu ẹre vbe Ọgua Osa, ọ ghi ya zọ ese ihọnmwegbe ẹre, ne ọ miẹn ehe na dọlegbe gha yo itaemwi vbe Ọgua Osa. Mẹ ne Nọyaẹnmwa ne Udazi ọre ọ tae.
Ohẹn ghi ghe ne ẹtẹ ghe, a deghẹ eto ni rrọ do khian ni fuọfua, a na miẹn wẹ ẹtẹ nii dinmwi la uwu egbe gberra ikpakpa egbe ne ọ lẹga ẹre, emianmwẹ ikpakpa ne ọ mu ohan nọ, ohẹn ghẹ ghi ghe ọmwa nii ghe nẹ, ọ ghi ta ẹe wẹ ọ ma huan.
A deghẹ ọmwa la ekpa a i gbe aro ke otọ ya ye obọ kan emwi awua zẹ vbe ne aranmwẹ ne ọ wu ye, awua gue ẹe, ọ vbe rri abe vbe ọwarọkpa nii ne ọ ya rẹn emwi ne irẹn ru.
A deghẹ ọmwaikọmwa ye vbe re vbe emiowo izọese na, vbe ọ ya obọ kan emwi awua nẹ, ọre ke egbe ọmwa nagbọn ra aranmwẹ rre nọ, a ghẹ ghi ka ẹe ba emwa Osanobua.”