Levitikọs 5:18 - Edo Bible (E Baibol Ẹdo) Version 1996

¹⁸ Vbene ọ gha na mu ogho ra ovbukhọ ne ẹ i mwẹ okan rre, ọmwa ne agbọn hia rhan obọ miẹn ọre a gha ya fian ive yọ, ohẹn ghi zọ ese nii ye orukhọ ọmwa nii, a ghi vbe ya bọe.

Levitikọs 5:18 ပူးပေါင်းရင်းမြစ်များ

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 14:12

Iyeke ọnii ohẹn ghi mu ọkpa vbe ivbi ogho nii, ọ ghi ya ẹe zọ ese zẹ vbe ese a hae werriegbe ke ẹe kevbe ukhiọnmwẹ ọgọ ofigbọn ọliv nii, ọ ghi viọ ẹre rre zẹ vbe ihaoko kpataki gie Nọyaẹnmwa ne avbe ohẹn.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 5:19

Emwi izọhẹ ne ọ ya ha osa orukhọ ne ọ ru ghe Nọyaẹnmwa nọ.”

Nọmbas 15:24

A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.