Levitikọs 5:17 - Edo Bible (E Baibol Ẹdo) Version 1996

¹⁷ “A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 5:17 ပူးပေါင်းရင်းမြစ်များ

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Levitikọs 4:13

“Ọ gha re ivbi Izrẹl hia ọre ọ ru orukhọ, ighẹ te iran rra ọkpa vbe uwu uhi e Nọyaẹnmwa vbene ẹ i na re ẹmwẹ iran.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 4:27

“A deghẹ ọkpa vbe uwu avbe emwa kẹkan ọre ọ ru orukhọ, ọ na vbe rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 5:18

Vbene ọ gha na mu ogho ra ovbukhọ ne ẹ i mwẹ okan rre, ọmwa ne agbọn hia rhan obọ miẹn ọre a gha ya fian ive yọ, ohẹn ghi zọ ese nii ye orukhọ ọmwa nii, a ghi vbe ya bọe.

Levitikọs 5:19

Emwi izọhẹ ne ọ ya ha osa orukhọ ne ọ ru ghe Nọyaẹnmwa nọ.”

Iyẹn ne ọ Maan Ọghe Luk 12:48

Sokpan ọguọmwadia ne ọ ma rẹn emwi ne arowa ẹre ho, ne ọ vbe ru emwi ne ọ kere ne a gbẹe asan yi, asan kherhe ọre a ra gbe ẹre re. Ọmwa ne a viọ ni bun na ọre a ye aro ye enibun vbe obọ ẹre, ọmwa ne a viọ ni bun sẹ na, a gha vbe ye aro ye ni bun sẹ vbe ohọ ẹre.

Ebe ne Pọl gbẹẹn gie emwa Rom 14:23

Ọ maa ne ọmwa ni ne ekhọe ẹre ma bu ohiẹn gbe vbe ọ gha ru emwi ne irẹn kha nẹ ighẹ ọ maa! Sokpan a deghẹ ọ gbe ọ khọn mwẹ ẹ i khọn mwẹ ye ẹmwẹ evbare ne ọ re, Osanobua gha bu abe gbe ẹe vbe ọ gha rriọe, rhunmwuda ẹ i re iyayi ọre ọ ya ẹe ru emwi ne ọ ru. Emwi ke emwi ne a ma ye iyayi ru, orukhọ nọ.