Levitikọs 5:16 - Edo Bible (E Baibol Ẹdo) Version 1996

¹⁶ Ọ ghi do dọlegbe ha avbe emwi ne ọ te ke ya nii, ọ ghi vbe hae obọkpa vbe a gha emwi nii ye ihe ugie gbe ẹe. Ọ ghi mu gie ohẹn, ohẹn ghi ye aranmwẹ nii zọ ese ye orukhọ ọmwa nii, a ghi ya bọe.

Levitikọs 5:16 ပူးပေါင်းရင်းမြစ်များ

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Ẹksọdọs 22:1

“Omwa gha do ẹmila ra ohuan mu, ọ na gbe ẹe ra ọ na khiẹn ọẹn, ọ ghi ya ẹmila isẹn ha osa ẹmila ọkpa, ọ ghi ya ohuan enẹ ha osa ohuan ọkpa.

Levitikọs 22:14

“A deghẹ ọmwa ne ẹ i re ovbi ẹgbẹe ohẹn re vbe emwi izẹọhẹ ni huanrẹn nii, vbe ne ọ ma na rẹn, ọ ghi ha ẹre werriegbe gie ohẹn, ọ ghi vbe zẹ ukhukhu eva gbe ẹe.

Levitikọs 27:13

A deghẹ ọmwa nii wẹ rẹn ra dẹ ọe werriegbe, ọ ghi ha igho ne a fian yọ nii, ọ ghi vbe rrie a ghae ye ihe isẹn gbe ẹe.

Levitikọs 27:15

De ghẹ ọmwa ne ọ ya ẹe fi ohan ho ne ọ dẹ ọe werriegbe, ọ ghi ha a gha ye ihe isẹn ha inu igho ne ọ ka khin.

Levitikọs 27:27

Sokpan emọ ọdiọn ọghe avbe aranmwẹ ni mwẹ awua, wa ghi gha ya igho ne a mwa yọ dẹ ọe werriegbe deba a ghae ye ihe isẹn. (Deghẹ a ma dẹ ọe werriegbe, a sẹtin khiẹn ọre igho ne a mwa yọ ne ọmwa ọvbehe.)

Levitikọs 27:31

Ọmwa gha wẹ rẹn ra dẹ werriegbe vbọ, ọ ghi hae igho ne a tie yọ ba a ghae ye ihe isẹn.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 5:10

Ọ ghi ye ahianmwẹ nọkpa zọ ese ne a giẹn uan zẹ vbene a mwamwa ẹẹn. Odẹ vbenian ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 5:13

Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe. Irhuarhua ni ghi dekẹe, ọghe ohẹn nọ, zẹ vbene ovbe ye vbe ọghe izẹọhẹ ọka.”

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 7:2

Aranmwẹ ne a ya zọ ese na, odẹ okuọ ọghe aka ọre a gha na gbe ẹe, ehe ne a na gbele aranmwẹ ese na giẹn uan, a ghi rhurhẹ esagiẹn ọnrẹn ye igienenẹ ọghe aka.

Nọmbas 5:7

Ọ ghi miẹn orukhọ ẹre kue, ọ ghi vbe hae osa gba deba aghae ye ihe ugie ẹre ne ọmwa nii ne ọ ba emwi ku ru ghe.

Nọmbas 5:8

Sokpan, a deghẹ ọmwa ni wu nẹ ighẹ ẹ i vbe mwẹ ọtẹn ne ọ sikẹ ọre ne a gha ha ose na, a ghi rhie ẹre gie Nọyaẹnmwa ne ọ gha re ọghe ohẹn. Osa ne ọ hare na ghi gha re ne ọ deba ogho ne a ya ru emwi izọ ese akpehuan naẹn.

Iyẹn ne ọ Maan Ọghe Luk 19:8

Zakiọs keghi guakpao, ọ wẹẹ, “Danmwehọ mwẹ enọwanrẹn, I gha waa emwi ne I mwẹ ye ihe eva nẹ, I gha viọ obọkpa ne avbe ivbiogue. Adeghẹ I vbe gbe ọmwaikọmwa rhu, I gha ha ẹre werriegbe nẹẹn ukhukhu enẹ.”

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

I Samuẹl 6:3

Iran keghi wanniẹn wẹẹ, “A deghẹ wa mu Ẹkpẹti Ile ọghe Osanobua Izrẹl werriegbe, te uwa gha viọ emwi izẹọhẹ lele ẹe ne uwa ya ha osa orukhọ uwa. A ghẹ gie Ẹkpẹti Ile nii werriegbe vbe ne a ma na viọ emwi izẹ ọhẹ lele ẹe, vbenian ọre a gha na mu uwa egbe rran, wa ghi do rẹn emwi ne ọ si ẹe ne ọ na gha mianmwẹ uwa ke ẹghẹ ni gha dee.”