Levitikọs 5:11 - Edo Bible (E Baibol Ẹdo) Version 1996

¹¹ “A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Levitikọs 5:11 ပူးပေါင်းရင်းမြစ်များ

Ẹksọdọs 16:18

Iran ghi do mwa rẹn, iran nii rhọ bun gbe ma ghi mwẹ ne ọ bun gbe, iran nii vbe rhọ ne ọ ma sẹ ma vbe gha mwẹ nọ ma sẹ. Ehia keghi rhọ zẹ vbene ọ khẹ ke dọmwadẹ ọghọe.

Ẹksọdọs 16:36

(Emwi na a ya mwa emwi ẹghẹ nii keghi re vbe a gha wa adanna ye ihe igbe.)

Levitikọs 1:14

“A deghẹ ahianmwẹ ọre ọmwa ra ya zọ ese ne a giẹn uan, ọ ghi gie ẹe gha re idu ra elikhukhu.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 14:21

Deghẹ ovbiogue ọre ọmwa nii khin ighẹ obọ ẹre i gba gberra ọnii ọ ghi mu ovbi ogho ọkpa kẹkan gha die akpehuan ọghọe zẹ vbe izẹọhẹ a hae werriegbe, emwi ihaoko kpataki ọghe Nọyaẹnmwa ne avbe ohẹn, ọ ghi mu uwan eva kẹkan ọghe irhuarhua ne a ya ofigbọn ọliv gbe, zẹ vbe izẹọhẹ ọka deba ukhiọnmwẹ ọgọ ọghe ofigbọn ọliv.

Levitikọs 27:8

A deghẹ ọmwa nọ ve emwi nii ru ovbigue gbe ighẹ ẹ i sẹtin ha ive nii, a ghi rhie ọmwa nii bu ohẹn gha dee, ohẹn ghi fian ẹn sikẹ otọ zẹ vbene obọ ọmwa nii gha sẹ ọe ya hae.

Levitikọs 5:12

Ọ ghi mu ẹẹn bu ohẹn gha dee, rẹn ghi zẹ uguobọ ọkpa vbọ zẹ vbe ama wẹ te a ya ẹe zẹ ọhẹ gie Nọyaẹnmwa, ọ ghi giẹn ọnrẹn ruan vbe aka zẹ vbe izọ ese evbare. Ese ne a zọre ne ọ kpe orukhọ kua nọ.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 5:9

Ọ ghi vbe sanmwẹ esagiẹn ọnrẹn eso ye ikinnegbe aka. Ọ ghi da esagiẹn ọnrẹn nekpa ye otọ vbe ẹzi aka. Ese ne a ya kpe orukhọ kua nọ.

Levitikọs 6:20

“Vbene a gha ya gha ma ohẹn Errọn hẹ. Vbe ẹdẹ ne a gha ma ẹre ohẹn nii ọ ghi mu uwan ọkpa ọghe irhuarhua ya zẹ ọhẹ gie Nọyaẹnmwa (zẹ vbene izọhẹ ọka ọghe ẹdẹgbegbe vbe bun sẹ) ukhiọnmwẹ vbe owiẹ, ukhiọnmwẹ vbe ota.

Nọmbas 5:15

Ne ọ rhirhi gha khin vbe iran eva, okpia ni ghi rhie amwẹ ọnrẹn bu ohẹn gha khian ọ ghi vbe viọ emwi ihaoko ne a mwa yọ mwẹ, uwan irhuarhua eva, sokpan ne ọ ghẹ sa ofigbọn oliv yọ ra ne ọ rhie eturari yọ, rhunmwuda ẹmwẹ a mu idandan vbe emwi ọ na khin, ne a miẹn ehe na rẹn ẹmwata ne ọ rrọọ.

Iyẹn ne ọ Maan Ọghe Luk 2:24

Iran keghi vbe ya ye idu eva ra elikhukhu eva giẹrẹ zọ ese zẹ vbene uhi Nọyaẹnmwa kha re.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Hibru 9:22

Vbe ẹmwata, zẹ vbene Uhi khare, esagiẹn ọre a ya ye emwi hia huan, a deghẹ a ma da esagiẹn ye otọ, orukhọ ne a ya bọ ẹ i rrọọ.