Levitikọs 4:8 - Edo Bible (E Baibol Ẹdo) Version 1996

⁸ Ọ ghi viọ ẹvbi ni rre ẹkhuia na hia, ẹvbi ni rre ẹkpokhurhu ẹre,

Levitikọs 4:8 ပူးပေါင်းရင်းမြစ်များ

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Levitikọs 16:25

Ọ ghi ya giẹn ẹvbi aranmwẹ ne a ya zọ ese orukhọ vbe aka.

Levitikọs 4:19

Ọ ghi viọ efun ọnrẹn hia, ọ ghi giẹn ọnrẹn vbe aka.

Levitikọs 4:20

Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Iyẹn ne ọ Maan Ọghe Jọn 12:27

“Ekhọe mwẹ wa rhia nian, vbe i a ra miẹn ta yi, te I ghẹ ghi kha wẹẹ, ‘Erha mwẹ ghẹ gie emwi na rruan mwẹ?’ Sokpan, rhunmwuda ọnii ọre I na rre ne I miẹn ehe na do ya egbe miẹn oya na.