Levitikọs 4:6 - Edo Bible (E Baibol Ẹdo) Version 1996

⁶ “Ọ ghi fi ikpinhianbọ ẹre yọ igba ihinrọn, ọ ghi sanmwẹ ọẹn ye odaro ukpọn onurho ne ọ huansẹ nii.

Levitikọs 4:6 ပူးပေါင်းရင်းမြစ်များ

Ẹksọdọs 40:21

Ọ keghi filo avbe ọkpọ nii la uwu ẹgba ne ọ rre ẹkpẹti nii, ọ na dele avbe ukpọn onurho nii degue ẹre yọ. Erriọ ọre ọ ya gie ẹe degue ẹre ighẹ ẹkpẹti nii ne avbe uhanhan uhi igbe ye, zẹ vbene Nọyaẹnmwa tama rẹn.

Ẹksọdọs 40:26

Ọ keghi mu aka ọghe igoru nii ye uwu Owa Ukpọn vbe odaro ukpọn onurho.

Levitikọs 14:16

Ọ ghi fi ikpinhianbọ obọ erha ọmwa ọghọe yọ, ọ ghi sanmwẹ eso vbọ ye evba igba ihinrọn vbe sirra e Nọyaẹnmwa.

Levitikọs 14:18

Ọ ghi hihiẹ ne ọ ghi dekẹ vbe ofigbọn ne ọ rre ọre obọ yan ọmwa nii uhunmwu, odẹ vbenian ọ re ọ gha ya ru iruemwi akpehuan.

Levitikọs 14:27

Ọ ghi ya ikpinhianbọ obọ erha ọmwa rẹn miẹn eso vbọ ye evba nii vbe sirra Nọyaẹnmwa.

Levitikọs 14:7

Ọ ghi sanmwẹ esagiẹn nii yan ọmwa ne a ra khuẹ hin emwirregbekẹn rre, igba ihinrọn, ọ ghi ta ẹe wẹ ẹ i ghi mwẹ awua. Ọ ghi sẹ ahianmwẹ ne a ma gbe nii rae ne ọ tin la oha gha rrie.

Levitikọs 16:14

Ọ ghi rhie vbe esagiẹn ẹkhuia ẹmila nii, ọ ghi ya ikpinhianbọ ẹre sanmwẹ ọẹn ye odaro ugue ẹkpẹti nii, ọ ghi sanmwẹ eso ye odaro Ẹkpẹti Ile nii igba ihinrọn.

Levitikọs 16:19

Ọ ghi vbe ya ikpinhianbọ ẹre sanmwẹ esagiẹn yan rẹn igba ihinrọn. Odẹ vberriọ, ọre ọ gha ya họnmwẹ awua orukhọ ivbi Izrẹl hin rre, ọ ghi ya ẹe khian ne ọ huansẹ.

Levitikọs 25:8

“Wa ghi ka ukpo ihinrọn igba ihinrọn, ọ ghi do gha re ukpo ọkpairrọ vbe kigbesiyeha vberriọ,

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Levitikọs 4:17

Ọ ghi fi ikpinhianbọ ẹre yọ, ọ ghi sanmwẹ ọẹn ye odaro ukpọn onurho igba ihinrọn.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:30

Ohẹn fi ikpinhianbọ ẹre ye esagiẹn aranmwẹ nii, ọ ghi ya ẹe woo ukpẹ aka ni rre okhiẹ aka nii, ọ ghi hihiẹ nii dekẹe kua ye ẹzi aka.

Levitikọs 4:34

Ohẹn ghi fi ikpinhianbọ ye esagiẹn aranmwẹ nii, ọ ghi ya ẹe woo ukpẹ aka ni rre okhiẹ aka nii, ọ ghi vbe rhurhẹ ne ọ ghi dekẹe vbo ye ẹzi aka.

Levitikọs 8:11

Ọ keghi rhie vbe ori nii, ọ keghi sanmwẹ ọẹn igba ihinrọn yan aka kevbe emwi ne a ya ru emwi vbọ hia, deba ọkpan nọkhua kevbe emwi ne a mu ẹẹn yan, ne a miẹn ehe na ya ehia fi ohan ne Nọyaẹnmwa.

Levitikọs 8:15

E Mosis keghi gbe ẹe, ọ keghi rhie vbe esagiẹn ọnrẹn, ọna ya ikpinhianbọ ẹre rhie ẹre ye ukpẹ aka ni rre okhiẹ ọre, ne a miẹn ehe na ya ẹe fi ohan, ọ na hihiẹ esagiẹn ni dekẹe ye ẹzi aka. Odẹ vberriọ ọ keghi ya ẹe fi ohan, ọ na ya ẹe khian ne ọ huansẹ.

Levitikọs 9:9

Ivbi ẹre keghi mu esagiẹn ọnrẹn bu ẹre gha dee, ọ na fi ikpinhianbọ irẹn yọ, ọ na ya vbọ ye ukpẹ aka ni rre dọmwadẹ okhiẹ aka, ọ na mu nọ ghi dekẹe vbọ hihiẹ ye ẹzi aka.

Nọmbas 19:4

Eliaza ghi rhie vbe esagiẹn ọnrẹn, ọ ghi ya ikpinhianbọ sanmwẹ ọẹn igba ihinrọn ghe odẹ Owa Ukpọn Ile,

Jọsua 6:4

Avbe ohẹn ihinrọn ne ọkpọkpa vbọ mu orhu mwẹ obọ, ghi ke odaro ne Ẹkpẹti Ile ọghe Nọyaẹnmwa. Vbe ikpẹdẹ ne ogihinrọn ke uwa kevbe ivbiyokuo ruẹ ghi khian lẹga ẹvbo nii igba ihinrọn, avbe ohẹn ghi gha si orhu nii khian.

Jọsua 6:8

Vbe ọwarọkpa vbe Jọsua ghi guan nẹ, avbe ohẹn ihinrọn ni keghi ke odaro ne Ẹkpẹti Ile ọghe Nọyaẹnmwa, iran na ghi si orhu nii. Avbe ivbiyokuo keghi ke odaro ne avbe ohẹn ni si orhu nii, iran ni ke odieke kegha lele enii dee. Orhu nii keghi wa gha tu yan egbe khian.