Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Levitikọs 4:31 - Edo Bible (E Baibol Ẹdo) Version 1996

31 Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

အခန်းကိုကြည့်ပါ။ ကော်ပီ




Levitikọs 4:31
39 ပူးပေါင်းရင်းမြစ်များ  

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.


Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.


Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”


U ghi wa giẹn ogho nii hia vbe uhunmwu aka. Izọhẹ ne a giẹn ne Nọyaẹnmwa ọre ọna khin, izọhẹ ne a ya erhẹn ru nọ ke ẹe kevbe uwinhinmwẹ ne ọ yẹ mwẹ.


E Nọyaẹnmwa Osanobua ne ọ ho ne ọ gha miẹn ruẹn fan ọre nọ rhunmwuda ọnii ọ re ọ na mu uhi kevbe iruẹemwi ẹnrẹn gbọọ. Ọ keghi vbe ho ne emwa irẹn gha mu iran sẹ.


E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.


Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.


Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.


Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.


Ọ ghi hihiẹ ne ọ ghi dekẹ vbe ofigbọn ne ọ rre ọre obọ yan ọmwa nii uhunmwu, odẹ vbenian ọ re ọ gha ya ru iruemwi akpehuan.


Ohẹn ghi gbe ọkpa vbọ zẹ vbe ese orukhọ kevbe nọkpa zẹ vbe ese na giẹn uan. Erriọ ọ gha ru iruemwi akpehuan, ne ọmwa nii.


Ohẹn ghi ya ẹe ru iruemwi akpehuan, ne a ya rhie orukhọ okpia nii hin rre, Osanobua gha vbe ya bọ ẹe.


Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.


Ohẹn ghi rhie ekherhe vbọ zẹ vbe ama wẹ a ya ehia ha oko gie Nọyaẹnmwa nẹ, ọ ghi giẹn ọnrẹn vbe aka. Uwinhinmwẹ emwi ihaoko evbare vbenian yẹ Nọyaẹnmwa.


Ọ ghi viọ efun ọnrẹn hia, ọ ghi giẹn ọnrẹn vbe aka.


Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.


Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.


Ọ ghi ye ahianmwẹ nọkpa zọ ese ne a giẹn uan zẹ vbene a mwamwa ẹẹn. Odẹ vbenian ọre ohẹn gha na zọ ese ye orukhọ ọmwa nii, a ghi vbe ya bọe.


Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.


Ohẹn ghi ru iruemwi akhuẹhuan ne emwa ni hia, a gha yabọ iran, rhunmwuda, abaku ru nii i re ẹmwẹ iran, iran keghi vbe viọ izọese orukhọ iran rre zẹ vbe izẹọhẹ evbare gie Nọyaẹnmwa.


Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”


Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.


Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.


Sokpan Kristi keghi zọ ese ọkpa ye orukhọ, ese ne ọ ruẹre ẹdẹdẹmwẹdẹ, vbe iyeke ọnii ọ keghi tota vbe obọ erha ọmwa Osanobua.


Ọ keghi ye ese ne ọ zọ re uhukpa kẹkan ya iran khian ni huanrẹn ighẹ avbe iran ni huan hin orukhọ rre.


Ẹghẹ ne Kristi na la Ọgua ukpọn ni gberra, ne ọ na vbe la uwu esagiẹn ẹwe ra ẹmila, ne ọ ya zọ ese, sokpan, ọ keghi mu esagiẹn ọghe egbe ẹre, ọ na rhie imiẹnfan ẹtẹbitẹ gie ima.


Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.


Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ