Levitikọs 4:30 - Edo Bible (E Baibol Ẹdo) Version 1996

³⁰ Ohẹn fi ikpinhianbọ ẹre ye esagiẹn aranmwẹ nii, ọ ghi ya ẹe woo ukpẹ aka ni rre okhiẹ aka nii, ọ ghi hihiẹ nii dekẹe kua ye ẹzi aka.

Levitikọs 4:30 ပူးပေါင်းရင်းမြစ်များ

Ẹksọdọs 29:12

U ghi rhie vbe esagiẹn ẹkhuia ẹmila nii, u ghi ya ikpinhianbọ ruẹ ya ẹe rhanmwẹ avbe ukpẹ aka nii.

Aizaia 42:21

E Nọyaẹnmwa Osanobua ne ọ ho ne ọ gha miẹn ruẹn fan ọre nọ rhunmwuda ọnii ọ re ọ na mu uhi kevbe iruẹemwi ẹnrẹn gbọọ. Ọ keghi vbe ho ne emwa irẹn gha mu iran sẹ.

Levitikọs 4:18

Ọ ghi rhie vbe esagiẹn ọnrẹn ye ehe ne aka eturari ye vbe uwu Owa Ukpọn, ọ ghi hihiẹ ni dekẹe ye ẹzi aka ne a na giẹn ese, ne ọ rre onurho owa ukpọn.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:34

Ohẹn ghi fi ikpinhianbọ ye esagiẹn aranmwẹ nii, ọ ghi ya ẹe woo ukpẹ aka ni rre okhiẹ aka nii, ọ ghi vbe rhurhẹ ne ọ ghi dekẹe vbo ye ẹzi aka.

Levitikọs 4:7

Iyeke ọnii ọ ghi rhie eso vbe esagiẹn ye ehe ne ọ zẹ ukpẹ ladian vbe aka ne a na giẹn eturari vbe uwu Owa Ukpọn e Nọyaẹnmwa. Ọ ghi hihiẹ esagiẹn ne ọ dekẹe ye ẹzi aka ne a na giẹn emwi izọ ese vbe onurho Owa Ukpọn nii.

Levitikọs 5:9

Ọ ghi vbe sanmwẹ esagiẹn ọnrẹn eso ye ikinnegbe aka. Ọ ghi da esagiẹn ọnrẹn nekpa ye otọ vbe ẹzi aka. Ese ne a ya kpe orukhọ kua nọ.

Levitikọs 8:15

E Mosis keghi gbe ẹe, ọ keghi rhie vbe esagiẹn ọnrẹn, ọna ya ikpinhianbọ ẹre rhie ẹre ye ukpẹ aka ni rre okhiẹ ọre, ne a miẹn ehe na ya ẹe fi ohan, ọ na hihiẹ esagiẹn ni dekẹe ye ẹzi aka. Odẹ vberriọ ọ keghi ya ẹe fi ohan, ọ na ya ẹe khian ne ọ huansẹ.

Levitikọs 9:9

Ivbi ẹre keghi mu esagiẹn ọnrẹn bu ẹre gha dee, ọ na fi ikpinhianbọ irẹn yọ, ọ na ya vbọ ye ukpẹ aka ni rre dọmwadẹ okhiẹ aka, ọ na mu nọ ghi dekẹe vbọ hihiẹ ye ẹzi aka.

Ebe ne Pọl gbẹẹn gie emwa Rom 10:4

Rhunmwuda, Jesu mu ẹmwẹ nene Uhi sẹ ufomwẹ nẹ, ne a miẹn ehe na miẹn wẹ ọmwaikọmwa ne ọ yayi, ọ khian ne a dọlọ kugbe ba Osanobua.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.