Levitikọs 4:3 - Edo Bible (E Baibol Ẹdo) Version 1996

³ Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 4:3 ပူးပေါင်းရင်းမြစ်များ

II Krọnikol 29:21

Iran keghi viọ ẹkhuia ẹmila ihinrọn ohuan ihinrọn, oteghe ohuan ihinrọn kevbe ẹwe ihinrọn zẹ vbe emwi izọ ese ne a ya kpe orukhọ ẹgbẹe ọba kua. Ọba keghi tama avbe ohẹn ni re ivbi uniẹn Errọn ne iran ya avbe aranmwẹ nii zọ ese vbe Ogiukpo.

Ẹzra 8:35

Emwa hia ni ke iwe rre keghi viọ emwiokọ rre wẹ ne a giẹn ọnrẹn ya zọ ese ghe Osanobua Izrẹl.

Ẹksọdọs 29:14

Sokpan, efun ẹnrẹn, ẹkpokhurhu ẹre kevbe ohian rẹn, u ghi ya giẹn enii vbe a gha la hin agọ rre nẹ. Izọhẹ ne a ya kpe orukhọ avbe ohẹn kua ọre enii khin.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Ẹksọdọs 29:7

U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Ezikiẹl 40:39

Eteburu enẹ kegha rre ughugha nọkhua na, eveva vbe obọ ọkpọkpa vbe ughugha nii. Uhunmwu avbe eteburu na ọ re iran na gbele avbe aranmwẹ ne iran ya zọ ese, ọ gha re te a ra wa gien ikun ẹnrẹn hia nọ, ra ne a ra ya zọ ese ye orukhọ ra imuohan a hae werriegbe.

Ezikiẹl 43:19

Avbe ohẹn ni re ẹwae Livai, ni vbe re ivbi uniẹn Zadọk, iran ni ọkpa ọ re ọ gha rrie odaro mwẹ do gha ga mwẹ. Mẹ ne Nọyaẹnmwa ne Udazi ọ re ọ yi iyi na. U ghi mu ovbi ẹkhuia ẹmila ne iran ya zọ ese ye orukhọ.

Ezikiẹl 44:27

Iyekọni, ọ ghi la Ọgua ne ọ ke uwu ẹre vbe Ọgua Osa, ọ ghi ya zọ ese ihọnmwegbe ẹre, ne ọ miẹn ehe na dọlegbe gha yo itaemwi vbe Ọgua Osa. Mẹ ne Nọyaẹnmwa ne Udazi ọre ọ tae.

Levitikọs 1:10

“A deghẹ ohuan ra ẹwe ẹre ọre ọ ra ya zọ ese, ọ ghi gha re ọwẹ ne ẹ i mwẹ okan.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 16:11

Errọn ghi gbe ẹkhuia ẹmila nii ye orukhọ ọghọe kevbe ọghe emwa rẹn,

Levitikọs 16:3

Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”

Levitikọs 16:5

Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan.

Levitikọs 16:6

Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre.

Levitikọs 4:14

A gha wa rẹn orukhọ nii ọwarọkpa, emwa nii ghi mu ovbi ẹkhuia ẹmila rre zẹ vbe emwi izọ ese ye orukhọ. Iran ghi mu ẹẹn gha die Owa Ukpọn Ile Nọyaẹnmwa.

Levitikọs 4:23

Ọwarọkpa vbe a ghẹ ghi rhie orukhọ nii ma rẹn nẹ, ọ ghi ya mu ovbukhọ ne ẹ i mwẹ okan, rre do ya zọ ese.

Levitikọs 4:28

Ọwarọkpa vbe a ghẹ ghi wa rhie orukhọ nii ma rẹn nẹ, ọ ghi mu ẹwe amwẹ ne ẹ i mwẹ okan rre do ya zọ ese.

Levitikọs 4:5

Iyeke ọnii Ogie Ohẹn ghi rhie vbe esagiẹn ẹkhuia nii gha rrie uwu Owa Ukpọn.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Levitikọs 9:3

U ghi vbe tama ivbi Izrẹl ne iran mu ovbukhọ ya zọ ese orukhọ, ovbi ẹkhuia ne ọ rre ukpo ọkpa kevbe ogho ne ọ rre ukpo ọkpa, ne ẹ i mwẹ okan ne ese na giẹn uan.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 8:8

Avbe Livai ghi mu ovbi ẹkhuia ẹmila kevbe ihaoko ọka ọghe irhuarhua ne a ye ofigbọn oliv gbe, wẹ ghi mu ẹkhuia ne ogieva ọghe izọese orukhọ mwẹ.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Hibru 5:3

Kevbe rhunmwuda ighẹ ọ ma vbe khia ne irẹn fo, ọ ghi gha zọ ese, ẹ i ghi re ọghe orukhọ avbe emwa nii ọkpa, sokpan kevbe ọghe irẹn tobọ ẹre.

Hibru 9:12

Ẹghẹ ne Kristi na la Ọgua ukpọn ni gberra, ne ọ na vbe la uwu esagiẹn ẹwe ra ẹmila, ne ọ ya zọ ese, sokpan, ọ keghi mu esagiẹn ọghe egbe ẹre, ọ na rhie imiẹnfan ẹtẹbitẹ gie ima.