Levitikọs 4:27 - Edo Bible (E Baibol Ẹdo) Version 1996

²⁷ “A deghẹ ọkpa vbe uwu avbe emwa kẹkan ọre ọ ru orukhọ, ọ na vbe rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 4:27 ပူးပေါင်းရင်းမြစ်များ

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Ẹksọdọs 12:49

Erriọ vbe nọ ne ivbi Izrẹl ne a biẹlẹe vbe owa kevbe orhunmwuyẹn ne ọ yin uwa ẹvbo.”

Ezikiẹl 45:17

Iwinna irẹn nọ ne ọ mu aranmwẹ ne a ra gien uan rre, kevbe ọka imuohan kevbe ayọn ne a ya mu ohan ọghe otọe Izrẹl hia vbe ẹghẹ Emwiukpo Uki Ọgbọn kevbe Ẹdẹ Ikẹtin kevbe avbe emwiukpo ni ghi dekẹe. Rẹn ọ re ọ gha mu emwi imuohan ọghe orukhọ rre, kevbe ọghe ọka, emwi imuohan ne a ra wa gien ikun ẹnrẹn, kevbe emwi izọese ọghe isara, ne a ya kpe orukhọ ivbi Izrẹl kua.”

Ezikiẹl 45:20

Ọ gha ghi sẹ ikpẹdẹ ne ogihinrọn ọghe uki nii, a ghi vbe rhunmwuda emwa ni ru orukhọ ne ọ han ne ẹẹn ru ra ọghe a ma rẹn, ru ẹe vberriọ. Odẹ vbenian, a gha sẹtin ya Ọgua Osa khian ne ẹ i mwẹ awua.

Levitikọs 4:13

“Ọ gha re ivbi Izrẹl hia ọre ọ ru orukhọ, ighẹ te iran rra ọkpa vbe uwu uhi e Nọyaẹnmwa vbene ẹ i na re ẹmwẹ iran.

Levitikọs 4:2

“Ne ọ tama ivbi Izrẹl wẹ ọmwaikọmwa gha rukhọ, ọ na rra uhi ẹ Nọyaẹnmwa, vbene ẹ i na re ẹmwẹ ọnrẹn, emwi ne ọ gha ru ena khin.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 9:15

Vbe iyeke ọnii, ọ keghi viọ izọhẹ emwa nii gha dee. Ọ keghi mu ẹwe ne a ra ya zọ ese ye orukhọ emwa nii, ọ gbe ẹe, ọ keghi ya ẹe ru izọhẹ zẹ vbene ọ vbe ru izọhẹ orukhọ ọghọe.

Nọmbas 15:16

Uhi ne ọ kan uwa ọre ọ vbe kan iran.

Nọmbas 15:22

Sokpan, a deghẹ a ghi miẹn ọmwa ne ọ rra avbe uhi na ne Nọyaẹnmwa viọ ne Mosis vbe ne ẹ i na re ẹmwẹ ọnrẹn,

Nọmbas 15:27

A deghẹ ọmwa ọkpa kẹkan rukhọ vbe nẹ i na re ẹmwẹ ọnrẹn, ọ ghi ya ovbi ẹwe amwẹ ne ọ he rre ukpo ọkpa zọ ese orukhọ.

Nọmbas 15:29

Emwamwa ọkpa ọre ọ kan emwa hia ni ru orukhọ vbe ne ẹ i na re ẹmwẹ ọnrẹn, ọre ọmọ otọ nọ ra orhunmwuyẹn.

Nọmbas 5:6

igiodẹ na ma e Mosis ne ọ viọ ne ivbi Izrẹl. Deghẹ ọmwaikọmwa ma ru emwi ne ọ yẹ Nọyaẹnmwa vbe ekpa ne ọ na ru emwi abakuru ghe ọmwa ọvbehe.