Levitikọs 4:21 - Edo Bible (E Baibol Ẹdo) Version 1996
21 Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.
Sokpan, efun ẹnrẹn, ẹkpokhurhu ẹre kevbe ohian rẹn, u ghi ya giẹn enii vbe a gha la hin agọ rre nẹ. Izọhẹ ne a ya kpe orukhọ avbe ohẹn kua ọre enii khin.
Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii.
Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato.
Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.
Erriọ ọre ọ gha vbe ru ẹkhuia na, zẹ vbene ọ ru ẹkhuia ne a ya zọ ese ye orukhọ, odẹ vberriọ ọre ohẹn gha ya zọ ese ye orukhọ avbe emwa nii, a ghi yabọ iran.
Ọ keghi mu ne ọ ghi dekẹe vbe ẹkhuia nii, ke ẹe kevbe ohian rẹn, efun kevbe ẹkpokhurhu ẹre, ọ keghi ya giẹn ọnrẹn uan vbe a ghi lahin agọ rre nẹ zẹ vbene Nọyaẹnmwa wẹ ne a ru ẹe.
A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.
Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.
Ogie ohẹn avbe Ju ghi mu esagiẹn aranmwẹ gha die uwu Ehe Ne ọ Huan Sẹẹ Ehia, ne iran do yae zọ ese ye orukhọ, sokpan iran ghi giẹn ikun aranmwẹ nii uan vbe a gha lahin agọ rre nẹ.