Levitikọs 4:2 - Edo Bible (E Baibol Ẹdo) Version 1996

² “Ne ọ tama ivbi Izrẹl wẹ ọmwaikọmwa gha rukhọ, ọ na rra uhi ẹ Nọyaẹnmwa, vbene ẹ i na re ẹmwẹ ọnrẹn, emwi ne ọ gha ru ena khin.

Levitikọs 4:2 ပူးပေါင်းရင်းမြစ်များ

Gẹnẹsis 20:9

Abimẹlẹk ke tie Ebraham, ọ nọ rẹn wẹẹ, “Vbua na ru ima vbenian hẹ yi? De emwi dan ne I ru ẹre ne u na si emwi dan nọkhua na ye imẹ vbe otọe arriọba mwẹ egbe? A i ghẹ ru ọre u ru mwẹ re na.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Asan-Ibo 5:6

Ghẹ gie ẹmwẹ ne unu ruẹn siọ fi orukhọ vbene u gha na ya tama ohẹn Osanobua ighe ọdẹn ọ re u gbe. Vbọzẹ ne u gha na ya Osanobua mu ohu ghe ruẹ yi? Vbọzẹ ne u gha na giee fuẹn uan, ighe emwi ne u miẹn ẹsọn yi.

Levitikọs 22:14

“A deghẹ ọmwa ne ẹ i re ovbi ẹgbẹe ohẹn re vbe emwi izẹọhẹ ni huanrẹn nii, vbe ne ọ ma na rẹn, ọ ghi ha ẹre werriegbe gie ohẹn, ọ ghi vbe zẹ ukhukhu eva gbe ẹe.

Levitikọs 4:1

E Nọyaẹnmwa keghi tama e Mosis wẹẹ,

Levitikọs 4:13

“Ọ gha re ivbi Izrẹl hia ọre ọ ru orukhọ, ighẹ te iran rra ọkpa vbe uwu uhi e Nọyaẹnmwa vbene ẹ i na re ẹmwẹ iran.

Levitikọs 4:22

“Ọ gha re enogie ẹre ọ rukhọ, ighẹ ọ rra uhi e Nọyaẹnmwa vbe ne ẹ i na re ẹmwẹ ọnrẹn.

Levitikọs 4:27

“A deghẹ ọkpa vbe uwu avbe emwa kẹkan ọre ọ ru orukhọ, ọ na vbe rra uhi e Nọyaẹnmwa vbe ne ẹ i na re ẹmwẹ ọnrẹn.

Nọmbas 35:11

wa ghi zẹlẹ ẹvbo ne ọmwa gha a lẹfi a deghẹ ọ gbe ọmwa ran vbe nẹ i na re ẹmwẹ ọnrẹn.

Diuteronomi 19:4

A deghẹ ọmwa gbe ọmwa ne ẹ i re oghian rẹn rua, vbene ẹ i na re ẹmwẹ ọnrẹn, ọ sẹtin lẹ gha rrie ọkpa vbe uwu avbe ẹvbo na, ọ ghi lẹ fe.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Hibru 5:2

Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.

I Samuẹl 14:27

Sokpan, e Jonatan ma họn vbe erhae tie ihẹn yọ ma emwa nii: rẹn keghi niẹn ọkpọ ne ọ gue ẹe vbe obọ, ọ na dinmwi ẹẹn ye uwu oko owọn, ọ keghi re vbe owọn nii. Ọwarọkpa nii, egbe keghi sasa ẹe sẹ ayọ.