Levitikọs 4:13 - Edo Bible (E Baibol Ẹdo) Version 1996

¹³ “Ọ gha re ivbi Izrẹl hia ọre ọ ru orukhọ, ighẹ te iran rra ọkpa vbe uwu uhi e Nọyaẹnmwa vbene ẹ i na re ẹmwẹ iran.

Levitikọs 4:13 ပူးပေါင်းရင်းမြစ်များ

Ẹzra 10:19

Iran keghi yan wẹ iran gha khulo amwẹ iran, iran keghi ya ogho zọ ese ye orukhọ iran.

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Ezikiẹl 45:22

Vbe ikpẹdẹ ne okaro ọghe emwiukpo nii, ovbiọba ne ọ rre ase ghi ya ẹkhuia ẹmila zọ ese ye orukhọ egbe ẹre, kevbe ọghe avbe emwa nii hia.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Levitikọs 16:5

Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan.

Levitikọs 4:21

Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Levitikọs 6:4

Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Nọmbas 15:22

Sokpan, a deghẹ a ghi miẹn ọmwa ne ọ rra avbe uhi na ne Nọyaẹnmwa viọ ne Mosis vbe ne ẹ i na re ẹmwẹ ọnrẹn,

I Kọrinti 11:27

Ọnii rhie maa khekherriọ wẹ, a deghẹ ọmwaikọmwa re vbe ebrẹd Nọyaẹnmwa, ọ na vbe wọn vbe uwu ukpu ẹre, vbe odẹ ne ọ ma kei, ọ rri abe orukhọ ne ọ ru ghe egbe kevbe esagiẹn Nọyaẹnmwa.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.