Levitikọs 4:12 - Edo Bible (E Baibol Ẹdo) Version 1996

¹² U ghi mu ehia ladian gha rrie ehe ne awua i ye vbe ore, vbe ehe ne a na mu emuẹn ọnrẹn kua, ne u ya giẹn ọnrẹn uan vbe evba vbe erhẹn erhan.

Levitikọs 4:12 ပူးပေါင်းရင်းမြစ်များ

Ẹksọdọs 29:14

Sokpan, efun ẹnrẹn, ẹkpokhurhu ẹre kevbe ohian rẹn, u ghi ya giẹn enii vbe a gha la hin agọ rre nẹ. Izọhẹ ne a ya kpe orukhọ avbe ohẹn kua ọre enii khin.

Ezikiẹl 43:21

U ghi mu ẹkhuia ẹmila ne a ya zọ ese ye orukhọ, u ghi gien ọnrẹn uan vbe ehe ne a mwamwa yọ ne a na gha ru ẹe vbe a gha lahin iwewe Ọgua Osa rre nẹ.

Levitikọs 13:46

Ẹghẹ ne ọ ya gha khuọnmwi emianmwẹ, awua gue ẹe, rẹn ọkpa vbe ẹhi ẹre ghi ya gha rre agọ ne ọ ma sikẹ ehe ne emwa nekpa ye.

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Levitikọs 4:21

Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.

Levitikọs 6:23

A ghẹ zẹdẹ re vbe izẹọhẹ ọka ne ohẹn ru hiehiere, a ghi wa giẹn ehia a.”

Levitikọs 6:30

Sokpan, a gha mu esagiẹn ẹnrẹn la uwu Owa Ukpọn Ile, a na ya ẹe ru emwi akpehuan ọghe orukhọ, a ghẹ rri emiowo nii, a ghi wa giẹn ọnrẹn uan.

Levitikọs 6:4

Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Levitikọs 8:17

Ọ keghi mu ne ọ ghi dekẹe vbe ẹkhuia nii, ke ẹe kevbe ohian rẹn, efun kevbe ẹkpokhurhu ẹre, ọ keghi ya giẹn ọnrẹn uan vbe a ghi lahin agọ rre nẹ zẹ vbene Nọyaẹnmwa wẹ ne a ru ẹe.

Levitikọs 9:11

Sokpan, ọ keghi giẹn emiowo nọ rrọọ kevbe ohian rẹn vbe a gha ladian ore agọ rre nẹ.

Nọmbas 15:35

Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.”

Nọmbas 19:3

Ne uwa mu ne Eliaza ne ohẹn. A ghi mu ẹn lahin ore agọ rre ne a sirra ẹre gbee.

Nọmbas 19:5

A ghi vbe sirra ohẹn giẹn ikun aranmwẹ ni hia, ohian, kevbe efun, esagiẹn kevbe ibiẹ ọre.

Nọmbas 5:3

Viọ emwa ni hia ne awua gue na ladian, ne iran ghẹ ya mu awua ye agọ nii, ehe ne I na gu emwa mwẹ rrọọ.”

Hibru 13:11

Ogie ohẹn avbe Ju ghi mu esagiẹn aranmwẹ gha die uwu Ehe Ne ọ Huan Sẹẹ Ehia, ne iran do yae zọ ese ye orukhọ, sokpan iran ghi giẹn ikun aranmwẹ nii uan vbe a gha lahin agọ rre nẹ.