Levitikọs 3:9 - Edo Bible (E Baibol Ẹdo) Version 1996

⁹ Ọ ghi viọ ehe ne a ra sunu yi vbe egbe aranmwẹ na gie Nọyaẹnmwa zẹ vbe emwi ihaoko evbare: ẹvbi ẹre, kevbe ẹrhunrhun ẹnrẹn ne a wa fian la ugboloko uvinyeke, ẹvbi ni wa rhu lele ẹkpokhurhu ẹre hia.

Levitikọs 3:9 ပူးပေါင်းရင်းမြစ်များ

II Samuẹl 6:17

Iran keghi mu Ẹkpẹti ni rre, iran keghi mu ẹẹn ye ihe ẹre vbe ehe ne Devid mwamwa khẹ ọre. Ọ keghi zẹ ese, ọ na si isara ghe Nọyaẹnmwa.

I Ọba 3:15

E Solomọn ghi rhiọrre ọ keghi miẹn wẹ te Osanobua gu irẹn guan vbe imina. Ẹre ọ na gha rrie Jerusalẹm, ọ na ya mudia ye odaro Ẹkpẹti Ile e Nọyaẹnmwa, ọ na zọ ese ne a giẹn uan kevbe ọghe isara ghe Nọyaẹnmwa. Iyeke ọnii, ọ keghi le evbare ne emwa rẹn hia re.

I Ọba 8:63

Ọ keghi ya ẹkhuia ẹmila arriaisẹn eva yan ugie (22,000) zọ ese kevbe ohuan arriaisẹn iyehan (120,000) zẹ vbe ọghe isara. Erriọ ọ re ọba kevbe emwa nii hia na ya Ọgua Osa fi ohan ne a na gha ga e Nọyaẹnmwa.

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

I Krọnikol 16:1

Iran keghi mu Ẹkpẹti Ile nii gha rrie ehe ne Devid ru ye otọ khẹ ọre, iran na mu ẹẹn ye uwu ẹre. Iran na zọ ese, iran na vbe sisara ghe Osanobua.

Ẹksọdọs 29:22

U ghi fian efun ogho nii, ẹrhunrhun ẹnrẹn ne ọ tii, ẹvbi ne ọ rhu yan ibiẹ kevbe ẹkpokhurhu ẹre, ududu ẹvbi ne ọ rre udu ẹre, ihẹnmwẹ ọnrẹn eva kevbe ẹvbi ne ọ rrọọ, ekuawẹ obọ erha ọmwa ọnrẹn.

Itan 23:26

Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Levitikọs 17:5

Emwi ne a ya emwamwa na kha ọrọre wẹ, emwi ne ivbi Izrẹl te ka gbe vbe adesẹ ore yi, te iran ghi khian gha viọ ehia bu e Nọyaẹnmwa rre. Te iran khian ghi gha viọ iran bu ohẹn rrie onurho Owa Ukpọn Ile, a ghi gbe ẹe zẹ vbe izẹọhẹ isara.

Levitikọs 7:3

A ghi viọ ẹvbi ẹre hia ladian a ghi ya ẹe zẹ ọhẹ ye uhunmwu aka, ẹrhunrhun ẹnrẹn ne ọ ti, ẹvbi ne ọ rhu lele ẹkpokhurhu ẹre,

Levitikọs 8:25

Ọ keghi mu ẹvbi ẹre, ẹrhunrhun ẹnrẹn nọkhua, ẹvbi hia ni rhu gue ẹkpokhurhu ẹre, kevbe ititi ẹvbi ne ọ rre avbe ihẹnmwẹ ke ẹvbi ni rhu yan iran, ke owẹ erha ọmwa rẹn,

Levitikọs 9:19

Errọn keghi mu ehe ne ẹvbi ẹkhuia nii ye kevbe ogho nii,

I Samuẹl 10:8

U ghi ke odaro mẹ gha rri Gilgal, I gha do vba ruẹ vbe odọ ne i do zọ ese na giẹn uan kevbe isara. U ghi mudia la ikpẹdẹ ihinrọn khẹ mwẹ vbe evba I te do tama ruẹn emwi ne u gha ru.”