Levitikọs 3:5 - Edo Bible (E Baibol Ẹdo) Version 1996

⁵ Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 3:5 ပူးပေါင်းရင်းမြစ်များ

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

II Krọnikol 35:14

A ghi ru ọna nẹ, avbe Livai keghi zẹ emiowo ọghe iran kevbe ọghe avbe ohẹn ni re ivbi uniẹn Errọn, rhunmwuda, te avbe ohẹn wa gha winna ya sẹ asọn, iran na gha giẹn avbe aranmwẹ ne a wẹ ne a giẹn ikun ẹnrẹn, deba ẹvbi avbe aranmwẹ ne a ya zọ ese.

Ẹksọdọs 29:13

Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 1:17

Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 3:11

Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Levitikọs 3:4

ẹvbi ni rre ẹkpokhurhu ẹre hia, ihẹnmwẹ ọnrẹn kevbe ẹvbi ni rrọ kevbe ititi ẹvbi ni rre udu ẹre.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 6:12

A ghi gie erhẹn nọ rre aka gha baa, vbe ne ẹ i na dọyọ. Owiẹ owiẹ ọre ohẹn gha ya gha viọ erhan yọ, ọ ghi mwamwa ese na giẹn uan nii yọ, ọ ghi vbe giẹn efun emwi isara.

Levitikọs 7:28

E Nọyaẹnmwa keghi viọ emwamwa na ne Mosis:

Levitikọs 9:17

Ọ keghi mu izọhẹ ọka rre, ọ na zẹ uguobọ irhuarhua okpa, ọ na giẹn ọnrẹn uan vbe aka (a keghi vbe ru ọna ba ese na giẹn uan ne a zọ ẹdẹgbegbe).

Nọmbas 15:8

A gha ya ẹmila zọ ese na giẹn uan ra ese ne a ya mu eyan sẹ ra ne a ya sisara,

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

Nọmbas 28:12

Izẹọhẹ ọka ni rrọọ ghi gha re vbe nian, irhuarhua ghi lele ẹkhuia ẹmila ọkpọkpa, uwan enenẹ ọghe irhuarhua ghi lele ogho ọkpọkpa,

Nọmbas 28:3

Izẹọhẹ evbare ne a gha viọ gie Nọyaẹnmwa ọ re ena khin: vbe ọghe ese ne a giẹn uan ọghe ẹdẹgbegbe vbọ, ivbi ogho ne ọ he rre ukpo ọkpa ne ẹ i mwẹ okan.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.