Levitikọs 3:3 - Edo Bible (E Baibol Ẹdo) Version 1996

³ Iran ghi viọ ne a ra sunu yi na vbe egbe aranmwẹ nii gie Nọyaẹnmwa zẹ vbe ihaoko evbare:

Levitikọs 3:3 ပူးပေါင်းရင်းမြစ်များ

Psalm 119:70

Avbe emwa na i mwẹ irẹnmwi, sokpan, ọyẹnmwẹ uhi ruẹ sẹ mwẹ.

Ẹksọdọs 29:13

Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Ẹksọdọs 29:22

U ghi fian efun ogho nii, ẹrhunrhun ẹnrẹn ne ọ tii, ẹvbi ne ọ rhu yan ibiẹ kevbe ẹkpokhurhu ẹre, ududu ẹvbi ne ọ rre udu ẹre, ihẹnmwẹ ọnrẹn eva kevbe ẹvbi ne ọ rrọọ, ekuawẹ obọ erha ọmwa ọnrẹn.

Itan 23:26

Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Levitikọs 1:12

Ọmwa nii ghẹ ghi va ẹe nẹ, ohẹn ne ọ ru ugamwẹ ghi viọ ikele ẹre hia ke ẹe kevbe uhunmwu ẹnrẹn kevbe ẹvbi ẹre ye erhẹn.

Levitikọs 1:8

Iran ghi viọ avbe emiowo ne a giagia ẹe nii ye erhẹn, ke ẹe kevbe uhunmwu ẹnrẹn kevbe ẹvbi ẹre.

Levitikọs 16:25

Ọ ghi ya giẹn ẹvbi aranmwẹ ne a ya zọ ese orukhọ vbe aka.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Levitikọs 3:2

Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 3:4

ẹvbi ni rre ẹkpokhurhu ẹre hia, ihẹnmwẹ ọnrẹn kevbe ẹvbi ni rrọ kevbe ititi ẹvbi ni rre udu ẹre.

Levitikọs 4:10

“Erriọ vbe nọ, zẹ vbene a ru ẹkhuia ne a gbe ya sisara, ohẹn ghi mu ẹvbi na, ọ ghi ya giẹn ọnrẹn vbe aka ne a na giẹn ihaoko ne a giuan.

Levitikọs 7:30

Ọ ghi ya obọ ẹre viọ ẹre gha dee zẹ vbe izọhẹ evbare. Ọ ghi mu ẹvbi aranmwẹ nii kevbe ewẹn ọnrẹn, ọ ghi viọ ẹre gie Nọyaẹnmwa zẹ vbe ihaoko kpataki.

Levitikọs 7:5

Ohẹn ghi giẹn ẹvbi na hia vbe aka zẹ vbe izẹ ọhẹ evbare gie Nọyaẹnmwa. Izẹ ọhẹ a hae werriegbe nọ.

Levitikọs 9:10

Ọ ke ghi giẹn ẹvbi ẹre, ihẹnmwẹ ọnrẹn, kevbe ititi ẹvbi ne ọ rre udu ẹre, zẹ vbe ne Nọyaẹnmwa tama e Mosis.

Matiu 13:16

“Sokpan, uhunmwu uwa ọre ọ maa ne aro uwa na sẹ ọe kevbe ne ehọ uwa na vbe họn ẹn.

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

Ebe ne Pọl gbẹẹn gie emwa Rom 6:6

Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

I Samuẹl 2:15

Ye vbe sẹ ọnii, uhin ighẹ a te do mu emiowo nii kpao ne a ya giẹn ọnrẹn uan, ọguọmwadia ohẹn ghi rre do tama ọmwa ne ọ zọ ese nii wẹẹ, “Fian emiowo mẹ mu gie ohẹn rhie tọn, ẹ i ra miẹn ruẹn emiowo ne a vbiẹvbiẹ vbe ẹ i re ọghọgbọn.”