Levitikọs 3:2 - Edo Bible (E Baibol Ẹdo) Version 1996

² Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 3:2 ပူးပေါင်းရင်းမြစ်များ

Ẹksọdọs 29:10

“U ghi mu ẹkhuia ẹmila nii gha die odaro Owa Ukpọn ne a na miegbe. Errọn kevbe ivbi ẹre ghi viọ obọ iran yan rẹn uhunmwu.

Ẹksọdọs 29:11

U ghi gbe ẹkhuia ẹmila nii vbe evba vbe odaro Nọyaẹnmwa vbe onurho ne a la la Owa Ukpọn ne a na miegbe.

Ẹksọdọs 29:15

“U ghi mu ọkpa vbe uwu avbe ogho nii. U ghi tama Errọn vbe ivbi ẹre ne iran viọ obọ iran yan ẹre uhunmwu.

Ẹksọdọs 29:16

U ghi gbe ẹe, u ghi mu esagiẹn ọnrẹn ne u rhurhẹ ọe lẹga aka nii.

Ẹksọdọs 29:19

U ghi mu ogho nọkpa, Errọn kevbe ivbi ẹre ghi viọ obọ yan ẹre uhunmwu.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Levitikọs 1:11

Ọ ghi gbe ẹe vbe odẹ okuọ ọghe aka, ohẹn ghi rhurhẹ esagiẹn ọnrẹn ye igienenẹ ọghe aka.

Levitikọs 17:3

Ovbi Izrẹl gha gbe ẹmila ra ohuan ra ẹwe vbe ehe ne ọ rhirhi gha khin, vbe ọ gberra onurho Owa Ukpọn Ile, vbe emwi ne ọ ya zọ ese ghe Nọyaẹnmwa, ọ rra Uhi. Te ọ da esagiẹn ye otọ, a ghẹ ghi ka ẹe ba emwa Osanobua.

Levitikọs 3:3

Iran ghi viọ ne a ra sunu yi na vbe egbe aranmwẹ nii gie Nọyaẹnmwa zẹ vbe ihaoko evbare:

Levitikọs 3:8

ọ ghi rhie obọ yan ọre uhunmwu, ọ ghi ghe ẹe vbe odaro Owa Ukpọn. A vbe ohẹn ghi gbe esagiẹn ọnrẹn khakha ye igienenẹ ọghe aka.

Levitikọs 8:22

Ẹre Mosis na mu ogho ne ogieva rre, ne a wẹ ne a ya ma avbe ohẹn, Errọn kevbe ivbi ẹre keghi viọ obọ iran yan ẹre uhunmwu.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

Iwinna 3:15

Erriọ ọre uwa ya gbe ẹe rua ighe Ayi ne ọ yi arrọọ. Sokpan Osanobua huẹn ọnrẹn kpaegbe vbe idin, ma ọrọre osẹe ne aro ẹre sẹ emwi na.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.