Levitikọs 3:17 - Edo Bible (E Baibol Ẹdo) Version 1996

¹⁷ Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Levitikọs 3:17 ပူးပေါင်းရင်းမြစ်များ

Gẹnẹsis 9:4

Emwi ọkpa kẹkan ọre ọ rrọọ ne u i khian re, ọnii ọre emiowo ne esagiẹn ye ye. I mu awua yọ rhunmwuda, esagiẹn ọre orhiọn ye.

II Krọnikol 29:35

Deba iwinna iran ne iran na gbele avbe emwi ne a giẹn ikun ẹnrẹn uan, avbe ohẹn ọ re ọ vbe giẹn ẹvbi avbe emwi ne a ya zọ ese ne emwa re, iran ọ re ọ vbe tue ayọn ne a mu lele emwi ne a ya zọ ese rre ye otọ. Erriọ ọ re a na miẹn wẹ ugamwẹ dọlegbe suẹn vbe Ọgua Osa.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 28:43

Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Ezikiẹl 44:15

E Nọyaẹnmwa ne Udazi khare wẹẹ, “Sokpan, avbe ohẹn ni re ivbi ẹwae e Livai, ni rre ivbi uniẹn e Zadọk, wa ye ekhọekekhọe gha ga mwẹ vbe Ọgua Osa, vbe avbe ivbi Izrẹl nekpa fi iyeke gbe mwẹ nẹ. Rhunmwuda ọnii nian, iran ọ re ọ ghi ra gha re emwa ni gha ga mwẹ, iran ọ re ọ ghi ra vbe gha sẹ ehe ne I ye ne iran do gha ya ẹvbi aranmwẹ kevbe esagiẹn emwi ne a ya zọọ ese, zẹ ọhẹ mẹ.

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Levitikọs 10:15

Iran gha viọ owẹ ọre kevbe ewẹn ọnrẹn rre zẹ vbe ọhẹ kpataki vbe ẹghẹ ne a ya mu ẹvbi ẹre gie Nọyaẹnmwa zẹ vbe izọhẹ evbare. Ehe ne a kha vbo na, wẹ vbe ivbi uẹ ọre ọ yan rẹn ẹdẹdẹmwẹdẹ zẹ vbene Nọyaẹnmwa khare.”

Levitikọs 10:9

“Wa gha da ayọn ra ebiẹ nẹ, wẹ kevbe avbe ivbi uẹ, wa ghẹ ghi la uwu Owa Ukpọn Ile, wa gha danmwẹ ọẹn, wa gha wulo. Uhi ne avbe ivbi uniẹn ruẹn hia gha rhie mwẹ ọre ọna khin.

Levitikọs 16:29

Emwamwa na, a ghi da ẹe yi ẹdẹdẹmwẹdẹ. Vbe ikpẹdẹ ne ogigbe ọghe uki ne ogihinrọn, ivbi Izrẹl hia, deba orhunmwuyẹn ni rre uwu ẹbu iran ghi yo aguẹ, iran ghẹ winna iwinna rhọkpa.

Levitikọs 16:34

Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre. E Mosis keghi ru vbene Nọyaẹnmwa khare.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 19:26

“Wa ghẹ rri emiowo ke ẹe kevbe esagiẹn. Ghẹ zẹ ọbo imamase rhọkpa.

Levitikọs 23:14

Wa ghẹ rri ọka orhọ nii ọghọgbọn, na tọẹn ra ne a ya ẹe ru ebrẹd vbe ẹ i re te uwa ka zẹ ọhẹ ọghe emwiokọ ọka ne okaro gie Osanobua nẹ. Wa ghi wẹ ne ivbi uwa gha ya emwamwa na ru emwi ẹdẹdẹmwẹdẹ.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 24:3

Ẹdẹgbegbe vbe ota ọre Errọn gha ya gha ru ẹe, ọ ghi gie iran gha baa hinrin yasẹ owiẹ. Vbe odaro e Nọyaẹnmwa vbe iyeke ukpọn onurho ne ọ rre odaro Ẹkpẹti Ile ne ọ rre Ehe Nọhuansẹ Ehia. A ghi da emwamwa na yi ẹdẹdẹmwẹdẹ.

Levitikọs 24:9

Errọn kevbe ivbi uniẹn ọnrẹn ọre ọ yan ebrẹd nii, iran ghi vbe gha rri ọe vbe ehe ne ọ huanrẹn rhunmwuda, ehe ne ọ mobọ huan vbe evbare nii ne a ya zẹ ọhẹ gie Nọyaẹnmwa ne avbe ohẹn ọre ọna khin.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Levitikọs 4:1

E Nọyaẹnmwa keghi tama e Mosis wẹẹ,

Levitikọs 6:15

Ọ ghi zẹ uguobọ ọkpa ọghe irhuarhua nii kevbe ofigbọn kevbe eturari hia, ọ ghi giẹn ọnrẹn vbe aka zẹ vbe ama wẹ e Nọyaẹnmwa ọ re a ya ẹe zẹ ọhẹ gie, uwinhinmwẹ izọese vbenian yẹ e Nọyaẹnmwa.

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 6:22

Ovbi Errọn ne ọ rhirhi gha rre ukpo Ogie Ohẹn, te ọ gha zẹ ọhẹ na ke orre ya sẹ orre. A ghi wa giẹn ọnrẹn uan fẹẹrẹ zẹ vbe emwi izese ghe Nọyaẹnmwa.

Levitikọs 7:23

“Ne ọ viọ ne ivbi Izrẹl. A ghẹ rri ẹvbi ẹmila, ohuan ra ẹwe.

Levitikọs 7:34

Ẹwẹn ọnrẹn keghi re oko kpataki, owẹ obọ erha ọmwa rẹn keghi re oghae kpataki ne Nọyaẹnmwa miẹn ivbi Izrẹl re viọ ne avbe ohẹn. Ọna keghi re emwi ne ọ khẹke iran, ne ivbi Izrẹl gha mwẹ iran re, kevbe orre ya sẹ orre.

Levitikọs 7:36

Ẹdẹ nẹdẹrriọ ọre Nọyaẹnmwa yi ẹre iyi ne ivbi Izrẹl wẹ ne iran gha viọ vbe emwi izẹ ọhẹ ne iran. Emwamwa ne ivbi Izrẹl gha rhie owẹ lele nọ, ke orre ya sẹ orre.”

Nọmbas 19:21

Uhi na ghi gha rre atẹ vbe obọ uwa ẹdẹdẹmwẹdẹ. Ọmwa ne ọ miẹn rẹn kua ighẹ amẹ akpehuan, rẹn ghi vbe họ ukpọn irẹn, ọmwa ne ọ rhirhi ye obọ kan amẹ ni, awua gu ẹe rhinrin ya sẹ ota.

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iwinna 15:29

wa ghẹ rri evbare ne a ya ru ẹbọ, wa ghẹ rri esagiẹn, wa ghẹ rri aranmwẹ ne a ye obobọ kuẹn gbua, wa ghi gha bi egbe hin alama oghẹ rre. Wa gha khian ẹse a deghẹ wa da egbe uwa yi ne a ghẹ ru avbe emwi na. Wa ọ khian ẹdẹ hia.”

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Diuteronomi 12:16

Sokpan wa ghẹ rri esagiẹn iran; wa ghi hihiẹ ọe ku otọ zẹ vbe amẹ.

Diuteronomi 12:23

Emwi ọkpa nọ wẹ ne uwa ghẹ rri esagiẹn ọnrẹn vbe uwa a rri emiowo nii, rhunmwuda esagiẹn ọ re arrọọ ọghe ọe ye, wa ghẹ rri arrọọ ba emiowo.

Diuteronomi 12:24

Wa ghẹ rri esagiẹn ọnrẹn, wa hihiẹ ọe ye otọ zẹ vbe amẹ.

Diuteronomi 15:23

Sokpan, wa ghẹ rri esagiẹn iran, wa ghi hihiẹ ọe ku otọe zẹ vbe amẹ.

Diuteronomi 32:14

Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.

I Timoti 4:4

Emwi ne Osanobua yi hia ọre ọ maa, ọkpa ne avbe rhie fua ẹ i rrọọ, sokpan, erhunmwu ekpọnmwẹ ọre ọ kere ne a ya gha miẹn iran.