Levitikọs 3:11 - Edo Bible (E Baibol Ẹdo) Version 1996

¹¹ Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Levitikọs 3:11 ပူးပေါင်းရင်းမြစ်များ

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Ezikiẹl 44:7

Iran ru awua Ọgua Osa mwẹ vbekpa ne iran na gie avbe iran ni ma rhuẹ, avbe orhunmwuyẹn ne ẹ i họn ẹmwẹ mẹ, gha la uwu Ọgua Osa vbe ẹghẹ ne a ya ye ẹvbi aranmwẹ kevbe esagiẹn zọ ese ghe mwẹ. Rhunmwuda ọnii avbe emwa mwẹ rra uhi mwẹ vbekpa uyinmwẹ osọnnọ ne iran yin.

Levitikọs 21:17

ne ọ tama Errọn wẹẹ, “A ghẹ gie ne egbe ma gba na vbe uwu ivbi uẹ zẹ ọhẹ evbare gun mwẹ. A ghi da uhi na yi rhinrin ẹdẹdẹmwẹdẹ.

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 22:25

“Ghẹ ye aranmwẹ ne a miẹn orhunmwuyẹn re zẹ ọhẹ evbare, aranmwẹ ne egbe ma gba na ọ re a ka egbọre baa, a i vbe rhan obọ miẹn rẹn.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Malakai 1:12

Sokpan, te uwa yagha mwẹ vbe uwa a kha wẹ Ogiukpo nọ ma maa ọre ọghomwẹ khin, wa ghi vbe gha zọ ese evbare ne uwa wẹ ẹi ma vbe uhunmwu ẹnrẹn.

Malakai 1:7

Vbenian ọre nọ ne uwa na do gha ya evbare nọ ma maa zọ ese vbe Ogiukpo mwẹ. Wa ghi vbe nọ wẹẹ, ‘Vbe ima ma ya lohan ruẹn hẹ yi?’ I gha tama uwa, ne uwa ma na ka Ogiukpo mwẹ yọ.

Nọmbas 28:2

ne ọ tama ivbi Izrẹl wẹ ne iran gha viọ emwi izẹ ọhẹ evbare gie Nọyaẹnmwa vbe ẹghẹ ne a zẹ yọ, zẹ vbe ne ọ yẹ ọre.

Nọmbas 28:24

Erriọ wa gha vbe ya zọ ese izẹọhẹ evbare ghe Nọyaẹnmwa la ikpẹdẹ ihinrọn, emwi ne ọ winhin yẹ Nọyaẹnmwa nọ, wa ghi ye ọna zẹ ọhẹ ba ese ne a giẹn uan ẹdẹgbegbe kevbe izẹọhẹ ọghe ayọn.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

I Kọrinti 10:21

Wẹ i ra sẹtin gha wọn vbe ukpu ọghe Nọyaẹnmwa kevbe ukpu avbe esu.

Arhie Maan 3:20

Dọ re! I mudia ye onurho gha so obọ, a deghẹ ọmwaikọmwa ghi họn, ọ na kie ẹre mẹ, I gha bu ẹre la owa, I ghi gu ẹe rri evbare, rẹn ghi vbe gun mwẹ rri evbare.