Levitikọs 27:9 - Edo Bible (E Baibol Ẹdo) Version 1996

⁹ A deghẹ emwi ne a ve nii ighẹ aranmwẹ ne ọ gie a ya zọ ese ghe Nọyaẹnmwa nọ, ẹghẹ nii, emwi hia ne a ya zẹ ọhẹ gie Nọyaẹnmwa ghi gha re ne ọ huanrẹn.

Levitikọs 27:9 ပူးပေါင်းရင်းမြစ်များ

Itan 20:25

Roro ẹe ẹsẹse u ke yan wẹ u gha ya emwi ha oko gie Osanobua. U sẹtin gbe I ma rẹn vbe okiekie.

Asan-Ibo 5:6

Ghẹ gie ẹmwẹ ne unu ruẹn siọ fi orukhọ vbene u gha na ya tama ohẹn Osanobua ighe ọdẹn ọ re u gbe. Vbọzẹ ne u gha na ya Osanobua mu ohu ghe ruẹ yi? Vbọzẹ ne u gha na giee fuẹn uan, ighe emwi ne u miẹn ẹsọn yi.

Ezikiẹl 48:14

Ako ne a ya fi ohan ne Nọyaẹnmwa ọrọre ne ọ maa sẹẹ ehia vbe otọe nii, a ghẹ vbe khiẹn vbọ hiehiere ra ne a yae rọ ra ne a ya ru ẹse ne ọmwa rhọkpa. Te ọ huanrẹn, ọghe Nọyaẹnmwa nọ.

Levitikọs 27:10

Wẹ ne ọmwa ne ọ ve emwi nii ghẹ ye aranmwẹ ọvbehe rọ ẹe, Ọ gha ru ẹe vberriọ, ọghe Nọyaẹnmwa ọ re aranmwẹ eveva nii ghi khin.

Levitikọs 27:8

A deghẹ ọmwa nọ ve emwi nii ru ovbigue gbe ighẹ ẹ i sẹtin ha ive nii, a ghi rhie ọmwa nii bu ohẹn gha dee, ohẹn ghi fian ẹn sikẹ otọ zẹ vbene obọ ọmwa nii gha sẹ ọe ya hae.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Matiu 15:5

Sokpan, wa ghi ra kha, wa wẹẹ, ‘Deghẹ ọmwa mwẹ emwi ne ọ gha sẹtin ya ga erha e ra iye ẹe,’ ọ na ghi kẹ ọre ya kha nẹ wẹẹ, ‘I ya ẹe fi ohan ne Osanobua,’