Levitikọs 27:8 - Edo Bible (E Baibol Ẹdo) Version 1996

⁸ A deghẹ ọmwa nọ ve emwi nii ru ovbigue gbe ighẹ ẹ i sẹtin ha ive nii, a ghi rhie ọmwa nii bu ohẹn gha dee, ohẹn ghi fian ẹn sikẹ otọ zẹ vbene obọ ọmwa nii gha sẹ ọe ya hae.

Levitikọs 27:8 ပူးပေါင်းရင်းမြစ်များ

II Ọba 7:5

Rhunmwuda ọnii ẹdẹ ghi hẹko gue nẹ, iran na gha rrie agọ ivbi e Siria, sokpan, iran ghi sẹ evba, ọmwa rhọkpa i rrọọ.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Levitikọs 12:8

A deghẹ obọ okhuo nii ma gba ohuan, ọ ghi viọ idu eva ra elikhukhu gha dee, ọkpa ne a ya zọ ese na giẹn uan kevbe ọkpa ọghe izọ ese orukhọ. Ohẹn ghi ru emwi ne a ru yọ ne a ya kpe awua ẹre kua, ọ ghi do gha re ne ẹ i mwẹ awua.

Levitikọs 27:9

A deghẹ emwi ne a ve nii ighẹ aranmwẹ ne ọ gie a ya zọ ese ghe Nọyaẹnmwa nọ, ẹghẹ nii, emwi hia ne a ya zẹ ọhẹ gie Nọyaẹnmwa ghi gha re ne ọ huanrẹn.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Iyẹn ne ọ Maan Ọghe Mak 14:7

Ẹghẹ hia ọre uwa gha ya gha miẹn avbe ivbiogue, wa gha sẹtin ru iran ẹse vbe ẹghẹ ne uwa a rhirhi gha ho, sokpan mẹ i ra gha gue uwa rrọọ vbe ẹghẹ hia.

II Kọrinti 8:12

Rhunmwuda, deghẹ obọ ẹse na ru tọlọ uwa, emwi ne uwa mwẹ ne uwa gha ru ẹse, ọre Osanobua ra ghe ya rhan obọ miẹn ẹse ne uwa ru, ighẹ ẹ i re emwi ne uwa i mẹ.