Levitikọs 27:30 - Edo Bible (E Baibol Ẹdo) Version 1996

³⁰ A ghae ye ihe igbe ọghe emwi okọ hia, ọghe Nọyaẹnmwa nọ, ọ re ọka nọ ra avbe ọmọ erhan.

Levitikọs 27:30 ပူးပေါင်းရင်းမြစ်များ

Gẹnẹsis 14:20

Te Osanobua Nọyosẹ, ne ọ rhie akhọnmiotọ nuẹn vbe uhunmwu avbe eghian ruẹn gha re ne a rho!” Ebram keghi wa emwi ne ọ viọ rre ye ihe igbe, ọ na viọ obọkpa vbọ ne Mẹlkizẹdẹk.

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

Gẹnẹsis 47:24

Ọ gha sẹ ẹghẹ emwiorhọ, wa ghi ghae ehia ye ihe isẹn, wa ghi viọ obọ ọkpa gie ọba, ni dekẹe ghi gha re ọghe uwa, ne uwa ya gha kọ, ne uwa gha re, emwa uwa kevbe ivbi uwa.”

Gẹnẹsis 47:26

E Josẹf keghi yi ẹre iyi wẹ a gha wa ẹre ye ihe isẹn, obọkpa vbe emwiokọ ne a rhọre ghi gha re ọghe ọba. Te iran ye lele uhi na do sẹ ẹdẹnẹrẹ na. Otọe avbe ohẹn ọkpa ọre ọ ma khian ọghe ọba.

II Krọnikol 31:12

Iran keghi dọlọ avbe emwi izọhẹ kevbe a gha ye igbe ye evba. Iran keghi rhie Livai ọkpa ne a tie ẹre Konanaia yọ ne ọ gha gbe aro ghe ẹre, iran keghi vbe rhie ọtiọnrẹn ne okpia ighẹ Simẹi ne ọ ogha ye ọ re obọ.

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 13:12

Ẹghẹ nii, avbe ivbi Izrẹl keghi dọlegbe suẹn gha viọ aghaeyihigbe ọghẹ ọka, ayọn, kevbe ofigbọn oliv rrie aza Ọgua Osa.

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Levitikọs 27:29

A gha rhe wẹ ọmwa ne agbọn nọ, a na ya fi ohan fẹẹrẹ ne Nọyaẹnmwa, a i ghi dẹ ọe werriegbe, ta a gbe ẹe rua.

Levitikọs 27:31

Ọmwa gha wẹ rẹn ra dẹ werriegbe vbọ, ọ ghi hae igho ne a tie yọ ba a ghae ye ihe isẹn.

Matiu 23:23

“U miẹn agbọn ne uwa ye, enimaemwa Uhi kevbe Farisi, ayunukpaegbe. Wa ghi zẹ a ghae ye ihe igbe ebe uwọnmwẹ ne giẹrẹ hia, vbe ne avbe akpọkọ, ihiehie kevbe ebe aranmwọkhọ ye, vberriọ, wa sẹ emwi kpataki ni rre uwu Uhi rae, zẹ vbe a i bu eku, itohan, kevbe ne a i na sẹ ni dekẹe rae.

Iyẹn ne ọ Maan Ọghe Luk 11:42

“Ọ suaa, wa ne Farisi! Wa ghae avbe emwi uwọnmwẹ negiẹrẹ hia vbe ihe igbe, rhie obọkpa ne Osanobua, avbe itehie kevbe akpọkọ kevbe avbe ebe ni dekẹe hia, wa keghi yangbe ẹmwata ne a ta, kevbe ne a gha ho ẹmwẹ Osanobua. Ọ te kei ne uwa ru ena vbe ne a i na yangbe ni dekẹe.

Iyẹn ne ọ Maan Ọghe Luk 18:12

Ikpẹdẹ eva ọre I ya yo aguẹ vbe uzọla ọkpa. Emwi ne I mwẹ hia, I gha gha ẹre ye ihe igbe, I ghi viọ obọkpa vbọ guẹ.’

Diuteronomi 18:8

A ghi vbe ghae evbare ne ẹẹn zẹ vbe ọghe avbe nekpa, ọ sẹtin viọ emwi ne avbe etiọnrẹn a rhirhi viọ gie ẹe.

Diuteronomi 26:12

“Vbe ukpo ne ogieha u ghi gha viọ a wa ye ihe igbe, obọ ọkpa vbe a gha emwiorhọ ruẹ ye ihe igbe ne avbe Livai, avbe erriọvbe, emọ ne ẹ i mwẹ erha kevbe ẹgbẹ, ne a miẹn ehe na miẹn wẹ, ẹbu ke ẹbu ne iran a rhirhi a gha ye, iran ghi gha miẹn re ne ẹko vuọn iran. U gha ru vberriọ.