Levitikọs 27:3 - Edo Bible (E Baibol Ẹdo) Version 1996

^3-7 Zẹ vbe ive ne a fian yọ ne agbọn hia ye obọ yi: — okpia nọwanrẹn ne ọ rre ukpo ugie ya sẹ ukpo iyeha: esiliva ekigbe siyeha — okhuo Nọwanrẹn, esiliva ọgban — ọvbokhan okpia, ukpo isẹn yasẹ ikpugie: esiliva ugie — ọvbokhan okhuo: esiliva igbe — ọmọmọ ọmọ okpia nọ ma sẹ ukpo isẹn esiliva isẹn — ọmọmọ ọmọ okhuo, esiliva eha — okpia ne ọ gberra ukpo iyeha: esiliva ekesugie — ọmọ okhuo ne ọ gberra ukpo iyeha: esiliva igbe.

Levitikọs 27:3 ပူးပေါင်းရင်းမြစ်များ

II Ọba 12:4

E Joas keghi tie avbe ohẹn, ọ na wẹ ne iran gha si igho ne iran ni zọ ese vbe Ọgua Osa hae koko, kevbe avbe igho ne a hare yọ zẹ vbe ne a mwa ye ese ne a zọ vbe ẹghẹ hia kevbe igho ne emwa ya ekhọe obọ iran viọ rre.

Ẹksọdọs 30:13

Emwa ne a rhirhi ka ba ẹre, te ọ gha ha inu igho ne a tie yọ, a ghi mwa rẹn zẹ vbe ne a ta ẹe ighẹ a ya mwa emwi vbe ẹvbo. Emwa hia ghi gha ha ọna zẹ vbe emwi izọhẹ gie imẹ.

Ẹksọdọs 38:24

Igoru hia ne a lo ya ru emwi vbe uwu ehe ne ọ huanrẹn (igoru ne emwa ya fi ohan ne Nọyaẹnmwa nọ) keghi sẹ uwan isẹn irrọvbe uri yan arriaisẹn eva (2,195) zẹ vbene a ya mwa emwi.

Levitikọs 27:14

Ọmwa gha ya owa ẹre fi ohan ne Nọyaẹnmwa, ohẹn ghi fian ive yọ zẹ vbene ọ maa sẹ, ra vbe ne ọ rhia sẹ, ive nii ọ gha re okiekie ẹre.

Levitikọs 27:25

Igho ne a gha tie ye ehia, ghi gha re vbene agbọn hia ye obọ yi.

Levitikọs 5:15

“A deghẹ ọmwa rukhọ vbe ne ẹ i na re ẹmwẹ ọnrẹn vbene ọ ma na ha osa ne ọ huansẹ ne ọ khẹke Nọyan ladian, ọ ghi mu ogho ne ẹ i mwẹ okan gha de do ya zẹ ọhẹ a hae werriegbe gie Nọyaẹnmwa. Omwa ne agbọn hia rhan obọ miẹn ọre a gha ya fian ive yọ.

Levitikọs 6:6

“Ọ ghi mu ogho ra ovbukhọ ne ẹ i mwẹ okan gie ohẹn zẹ vbe emwi izọ ese ne a ya ha emwi werriegbe. Omwa ne agbọn hia kue yi ọre a gha ya fian ive yọ.

Nọmbas 18:16

“Emọ gha rre uki ọkpa, ọre a gha na gha dẹlẹ iran werriegbe, igho ne a mwa yọ ne a ya dọe keghi re ukhiọnmwẹ esiliva isẹn, zẹ vbe ọmwa ne agbọn hia ye obọ yi.

Nọmbas 3:47

Wa ghi hae ikpẹ esiliva isisẹn ye ọkpọkpa zẹ vbe ive ne a yobọ yi.