Levitikọs 27:21 - Edo Bible (E Baibol Ẹdo) Version 1996

²¹ Ọ gha ghi sẹ ukpo Afanvbirri ne ọ lele ẹe, otọe nii ghi khian ọghe Nọyaẹnmwa ẹdẹdẹmwẹdẹ, ọ ghi do gha re ọghe avbe ohẹn.

Levitikọs 27:21 ပူးပေါင်းရင်းမြစ်များ

Ẹzra 10:8

A deghẹ a miẹn ọmwa ne ọ ma rre ọ te ya sẹ ikpẹdẹ eha emwi ne ọ mwẹ, hia gha khian ọghe ẹvbo, a ghi vbe kaẹn fua.

Ezikiẹl 44:29

Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.

Levitikọs 25:10

Odẹ vberriọ, wa ghi zẹ ukpo ne ogie ekigbe siyeha kọ, wa ghi tie avbe emwa ni ghi rre otọe nii hia ni yan egbe iran vbe uwu ukpo nii, vbe ukpo vberriọ, emwi hia ne a te khiẹnnẹ kua, a ghi dọlegbe viọ ne ni yan iran ra uniẹn ivbi ẹre.

Levitikọs 25:28

Sokpan a deghẹ ọ ma miẹn igho ya dẹ ọe werriegbe, ọ ghi gha gue ọmwa ne ọ dẹ ọe nii ọ te ya sẹ ukpo afanvbirri ne ọ lele ẹe. Vbe ukpo nii a ghi mu ẹẹn werriegbe ne nọyan rẹn.

Levitikọs 25:31

Sokpan avbe owa ni rre ẹvbo na ma gbe ekẹn ga, a ghi ka ẹe ye vbene oha ye. Ọmwa ne ọ ka yan rẹn mwẹ asẹ ne ọ ya dẹ ọe werriegbe, a ghi vbe viọ ẹre werriegbe vbe ukpo Afanvbirri.

Levitikọs 27:20

A deghẹ ọ khiẹn otọ nii ne ọmwa ọvbehe vbene irẹn ma na ka gu e Nọyaẹnmwa dẹ ọe werriegbe nẹ, ẹ i ghi mwẹ asẹ ne ọ ya dẹ ọe werriegbe.

Levitikọs 27:22

A deghẹ ọmwa ya otọe ne ọ dẹe fi ohan ne Nọyaẹnmwa,

Nọmbas 18:14

Emwi hia ne a ghi fanmwegbua ya fi ohan mẹ nẹ, ọwuẹ nọ.

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.