Levitikọs 27:2 - Edo Bible (E Baibol Ẹdo) Version 1996

² ne ọ viọ ne ivbi Izrẹl A deghẹ a ghi ya ọmwa fi ohan ne Nọyaẹnmwa nẹ, ne a miẹn ehe na mu eyan kpataki sẹ, ọmwa nii sẹtin rhan egbe ẹre vbe imu vbe ne ọ gha na hae avbe igho na.

Levitikọs 27:2 ပူးပေါင်းရင်းမြစ်များ

II Ọba 12:5

Dọmwadẹ ohẹn ghi gha da igho iran ne irẹn ru emwi na yi. A ghi gha ya igho nii dọlọ Ọgua Osa yi zẹ vbene a ya ho sẹ ọre egbe.

Asan-Ibo 5:3

Vbene u ya si osi ye emwi, erriọ ọ re u gha vbe ya mina imina dan, vbene u vbe ya talọ, erriọ ọ re u gha vbe ya guan ẹmwẹ ukọnmwẹ.

Levitikọs 27:1

E Nọyaẹnmwa keghi viọ uhi na ne Mosis,

Nọmbas 21:2

Ẹre ivbi Izrẹl na do yan emwi ne Nọyaẹnmwa wẹẹ, “U gha gie ima khọn iran na miẹn otọ, ma gha ya iran kevbe ẹvbo iran fi ohan nuẹn, ma ghi fuẹn iran uan.”

Nọmbas 30:3

Uvbi ne ọ he rre owa erha ẹe gha ve emwi ne ọ wẹ rẹn gha rhie ne Nọyaẹnmwa ra ne ọ zobọ vbe emwi eso,

Nọmbas 6:2

ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Diuteronomi 23:24

“U gha lele odẹ ne ọ rre ugbo emwiokọ ne a ya rua ayọn ne ọ baa ọghe ovbi Izrẹl ne ogieva ruẹ khian, u sẹtin kọlọ ọmọ rẹn re vbene ọ khọn ruẹn, sokpan ghẹ ya okhuae rhie vbọ kpa vbe evba rre.

Giọgis 11:39

Uki eva ghi gba nẹ, rẹn keghi dọlegbe bu erha ẹe gha dee. Rẹn keghi ru vbene ọ yan ma e Nọyaẹnmwa. Ọmọ okhuo nii keghi wu ye uvbi ne ọ ma rẹn okpia. Erriọ ọ re ọ ya suẹn vbe Izrẹl ne a na miẹn wẹẹ,

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.