14 Ọmwa gha ya owa ẹre fi ohan ne Nọyaẹnmwa, ohẹn ghi fian ive yọ zẹ vbene ọ maa sẹ, ra vbe ne ọ rhia sẹ, ive nii ọ gha re okiekie ẹre.
A deghẹ ọmwa nii wẹ rẹn ra dẹ ọe werriegbe, ọ ghi ha igho ne a fian yọ nii, ọ ghi vbe rrie a ghae ye ihe isẹn gbe ẹe.
De ghẹ ọmwa ne ọ ya ẹe fi ohan ho ne ọ dẹ ọe werriegbe, ọ ghi ha a gha ye ihe isẹn ha inu igho ne ọ ka khin.
A deghẹ vbe ada la ukpo Afanvbirri gberra ọre ọ na ya ẹe fi ohan, inu igho ne ọ rrọọ, te ọ wa gba.
A deghẹ ọ ye ẹghẹ eso gberra, ohẹn ghi roro ẹghẹ ne ọ ghi kẹe ọ te sẹ ukpo Afanvbirri ne ọ lele ẹe ya fian igho hin rre.
Ọ gha ghi sẹ ukpo Afanvbirri ne ọ lele ẹe, otọe nii ghi khian ọghe Nọyaẹnmwa ẹdẹdẹmwẹdẹ, ọ ghi do gha re ọghe avbe ohẹn.
Emwi hia ne a ghi fanmwegbua ya fi ohan mẹ nẹ, ọwuẹ nọ.