Levitikọs 26:9 - Edo Bible (E Baibol Ẹdo) Version 1996

⁹ I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

Levitikọs 26:9 ပူးပေါင်းရင်းမြစ်များ

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 17:20

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 26:4

I gha viọ ivbi uniẹn ruẹn nuẹn ne ọ gha bun zẹ orhọnmwẹ ni rre iso, I gha mu otọe na hia ne iran. Iyaẹvbo agbọn na hia ghi gha rinmwian ne I fiangbe iran zẹ vbe ne I fiangbe ivbi uniẹn ruẹn.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 48:4

Ọ keghi tama mwẹ wẹẹ, ‘I viọ emọ nibun nuẹn sẹrriọ wẹ ivbuẹ gha khian okpẹvbo nibun, I gha mu otọe na ne uniẹn ivbuẹ ne ọ gha re ọghe iran ẹdẹdẹmwẹdẹ.’

Gẹnẹsis 6:18

sokpan I gha gu uwẹ ta ile. U ghi la okọ ke uwẹ ke avbe amwọn ọn, ivbuẹ nikpia, kevbe amwẹ iran.

I Ọba 3:8

Ghe mwẹ nian vbe uwu ẹbu emwa ne u zẹẹ ne ọ gha re ọwuẹ, emwa ne a miẹn wẹ iran bun sẹrriọ, a i vbe sẹtin ka iran.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Nehimaia 9:23

U viọ emọ nibun ne iran zẹvbe orhọnmwẹ ni rre iso iran khọn avbe ẹvbo nii, iran na vbẹ yin ẹnrẹn ne u yanrẹn i ghẹ u gha mu ne erha iran odede.

Psalm 107:38

Ọ fiangbe emwa rẹn iran keghi biẹlẹ emọ nibun ọ kevbe ruẹe ne emwirri iran ghẹ dibu.

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Ẹksọdọs 1:7

Sokpan ivbi Izrẹl kegha mwẹ emọ nibun, iran bun sẹrriọ, iran vbe wegbe sẹrriọ wẹ, iran keghi wa gba otọe nii hia.

Ẹksọdọs 2:25

Ọ keghi miẹn ihe ọviẹn ne ivbi Izrẹl ye, ọ na ya egbe ne iran miẹn.

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Jerimaia 23:3

I gha si avbe emwa mwẹ ni dekẹe koko ke ẹvbo ne I zagha iran kui gha dee, I ghi viọ iran werriegbe gha die otọ iran. Iran gha biẹlẹ emọ nibun, iran ghi bun yọ vbe inu.

Jerimaia 23:4

I gha zẹ enikhaemwisẹ ne iran gha gbearoghe iran. Ohan i ghi ra ye gha mu emwa mwẹ ra ne afianma gha fian iran, mẹ i ghi dọlegbe rri iran oya. Mẹ ne Nọyaẹnmwa ta ẹe nẹ.”

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Ezikiẹl 16:62

I gha dọlegbe rhie obọ ye ile ne I gu uẹ ta, wẹ ghi do rẹn ighe mẹ ọrọre Nọyaẹnmwa.

Ezikiẹl 36:9

“Wa ọ re imẹ deba, I gha vbe ru ẹe ne a miẹn wẹ a gua ye otọe uwa, a vbe kọ emwiokọ yọ.

Levitikọs 26:15

A deghẹ wa rhie obọ gberra ile ne I gu uwa ta vbe ekpa avbe uhi mwẹ,

Iyẹn ne ọ Maan Ọghe Luk 1:72

Ọ wẹ rẹn gha tohan avbe erha mwa odede. Ọ ghi vbe ye ile ẹre ne ọ huanrẹn rre.

Diuteronomi 28:11

E Nọyaẹnmwa gha viọ emọ ni bun ne uwa, ẹmila nibun deba emwiokọ ọrhẹnrhẹn, vbe otọe ne irẹn ve avbe erha uwa odede re wẹ rẹn gha mu ne uwa.

Diuteronomi 28:4

“E Nọyaẹnmwa gha fiangbe uwa ẹsẹse vbe egbe emọ ni bun, vbe egbe emwiokọ, vbe egbe ẹmila kevbe egbe ohuan.

Diuteronomi 7:13

Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

Hibru 8:9

Ẹ i ra ye vbe ile ne I gu erha iran ta, vbe ẹdẹ ne I rhie iran obọ su iran ladian vbe otọ Igipt. Iran ma mu ile ne I gu iran ta sẹ. Rhunmwuda ọnii, mẹ ma ghi zẹ ye iran re, erriọ Nọyaẹnmwa kha re.