Levitikọs 26:8 - Edo Bible (E Baibol Ẹdo) Version 1996

⁸ Isẹn vbe uwu uwa gha sẹtin khọn arhin iyisẹn, iyisẹn gha sẹtin khọn arriaisẹn igbe (10,000).

Levitikọs 26:8 ပူးပေါင်းရင်းမြစ်များ

I Krọnikol 11:11

Ne okaro vbọ ọrọre Jasiọbim ne uniẹn Hakmọn, ne ọ gha re ọkaolotu “Iran ne Eha.” Ọ keghi ya umozo gu arhin iyisẹn yan uri gbinna vbe okuo ọkpa, ọ na gbele iran hia a.

I Krọnikol 11:20

Abisiai ne ọtẹn e Joab ọ re ọ gha re ọkaolotu iran ne “Ọgban Ni hin usi.” Ọ keghi ye asoro ẹre gu arhin iyisẹn eha (300) gbinna, ọ na gbele iran hia a, ọ na do hin usi sẹẹ vbe uwu ẹbu “Iran ne Ọgban,” ọ na do gha re olotu iran.

Ẹsta 9:16

Avbe Ju ni rre iyaẹvbo kevbe si egbe koko, iran na gbinna ne egbe iran, iran keghi wabọ avbe eghian hin ehe ne iran ye rre, vbene iran na gbele arhin arria isẹn isen irrọvbe iyenẹ (75,000) ni khuiwu iran, sokpan, iran ma fu emwi viọ.

Levitikọs 26:7

Wa gha khọn avbe eghian uwa hia muotọ.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Nọmbas 31:4

Wa gie arhin arriaisẹn ke ẹwae ọkpọkpa ọghe Izrẹl gha rrie okuo.”

Diuteronomi 28:7

“E Nọyaẹnmwa gha khọn eghian hia mu otọ ne uwa. Odẹ ọkpa iran ra la rre do gu uwa gbinna, sokpan odẹ ihi-nrọn iran ra lẹ la gha rrie.

Diuteronomi 32:30

Vbe orhiọnkpa na sẹtin khọn arriaisẹn hẹ yi? Ne arhin eva kẹkan na khọn arriaisẹn igbe? E Nọyaẹnmwa Osanobua he iran ye otọ nẹ, Osanobua ne Oghodua iran sẹ iran rae nẹ.

Jọsua 23:10

Ọmwaikọmwa vbe uwu uwa gha sẹtin zẹ arhunmwu arriaisẹn khu rhunmwuda, e Nọyaẹnmwa Osanobua uwa ẹre ọ gbinna ne uwa zẹ vbene ọ yan rẹn.

Giọgis 15:15

Rẹn ghi ghe ghe ugboloko agbanmwẹ ekẹtẹkẹtẹ, ọ na gua ẹe rhie ọ na ya ẹe gbele arhin arriaisẹn (1,000).